شاخەوان عەبدوللا: رێکێ نادەین فرۆکخانا کەرکووکێ بکەڤیتە کاری

ئاژانسا خانی ، تایبەت:

دوھی ١٦ی ئۆکتۆبەرێ فڕۆکخانا کەرکووکێ ھاتە ڤەکرن و جێگرێ سەرۆکێ پەرلەمانێ عێراقێ ژی دبێژیت، فڕۆکخانا کەرکووکێ ژێدەرەکە بۆ گەندەلییێ و رێکێ نادەین دەست بکاری بکەت.

شاخەوان عەبدوللا، جێگرێ سەرۆکێ پەرلەمانێ عێراقێ بۆ ئاژانسا خانی دیارکر” کەرکووکێ بەری ھەر پارێزگەھەکا دی پێدڤی ب فڕۆکەخانێ ھەیە، بەلێ نابیت فڕۆکەخانە ببیتە ژێدەرێ گەندەلییێ، ئەم باوەرین ڤەکرنا فڕۆکخانا کەرکووکێ ب ڤی شێوەیی دێ دەرگەھەکی بۆ گەندەلییێ ڤەکەت، ئەم ھندی بشێین ناھێلین فڕۆکخانا کەرکووکێ بھێتە ڤەکرن و دەست بکاری بکەت، چونکی یا بەرھەڤ نینە بۆ ڤەکرنێ و کارکرنێ.

ناڤهاتی گۆت ژی” بەری نوکە سەرۆک وەزیرێن عێراقێ داخوازا ڤەکرنا فڕۆکخانا کەرکووکێ کربوو، بەلێ ژلایێ ئەمنی و ئیداری فڕۆکخانە یا بەرھەڤ نینە و راپۆرتا دیوانا چاڤدێرییا دارایی ژی ھەیە لدۆر فڕۆکخانا کەرکووکێ، ئەڤە ھەموو ئەگەرن ئەو فڕۆکخانە نابیت کار بکەت ب ڤی ره‌نگی گەندەلی بھێتە کرن.