حەفتییا بهێت پەرلەمانێ عێراقێ لدۆر کارناما حوکمەتا نوو دێ کۆمبیت

ئاژانسا خانی ، تایبەت:

بڕیارە ل دەستپێکا حەفتییا بهێت پەرلەمانێ عێراقێ لدۆر کارناما کابینا حوکمەتا نوو یا عیراقێ کۆمببیت و ژێدەرەکی ژ فڕاکسیۆنا پارتی ژی ئاشکرا کر، پارتی ب چەند مەرجان دێ پشکدارییێ د حوکمەتا عێراقێ دا کەت و ئەو مەرج ژی دناڤا ھەڤپەیمانییا ب رێڤەبرنا دەولەتێ ھاتینە جێگیر کرن.

ژێدەرەکی ژ فڕاکسیۆنا پارتی ل پەرلەمانێ عێراقێ تایبەت بۆ ئاژانسا خانی دیار کر” رۆژا ئه‌نجامدانا کۆمبوونا پەرلەمانی نەھاتییە دیار کرن، بەلێ حەفتییا بھێت دێ ئەو کۆمبوون لدۆر کارناما حوکمەتا نوو هێته‌ كرن و تێدا دێ پەرلەمانێ عیراقێ پێداچوونێ د کارناما کابینا محەمەد شیاع سودانی دا کەت، چونکی کارنامە یا بەرھەڤە و ل سەر بنەمایێ وێ رێکكەفتنێ ھاتییە بەرھەڤکرن یا ھەڤپەیمانیا ب رێڤەبرنا دەولەتێ ل سەر ھاتییە پێکئینان.

لدۆر پشکدارییا پارتی” وی ژێدەری گۆت” پارتی رێکكەفتن ھەیە ل گەل ھژمارەکا کۆتلێن پەرلەمانی و ھەڤپەیمانیا ب رێڤەبرنا دەولەتێ پشکدارە، ھەر ئەو مەرجێن د رێکكەفتنێ دا ھاتینە ئیمزاکرن دێ مەرجێن پارتی بن بۆ کابینا سودانی ئەڤە ژی ئاسانکارینە بۆ حوکمەتا نوو.