<h3 style="text-align: justify;"><span style="font-size: 18pt;">سهرۆكا لژنهیا ڤهگوهاستن و پهیوهندییان ل پهرلهمانێ عیراقێ راگههاند، وهزیرێ نهفتێ و چهند بهرپرسێن دى، بهرپرسن ژ زیان گههاندنا عیراقێ ب زێدهتر ژ 820 ملیار دۆلاران.</span></h3> <h3 style="text-align: justify;"><span style="font-size: 18pt;">زههره ئهلبیجارى سهرۆكا لژنهیا ڤهگوهاستن و پهیوهندییان ل پهرلهمانێ عیراقێ راگههاندنهك بهلاڤكر و تێدا هاتییه، رایا گشتى مژوولى نووچهیێ دزینا سێ تریلیۆن و 700 ملیار دینارێن دهستهیا گشتى یا باجێیه، لێ گهندهلییهكا دى ههیه بهحس لێ نههاتییهكرن، و تێدا وهزیرێ نهفتێ و حكومهتا كازمى ل دو سالێن بوورى دهست دگهل گهندهلییا وهزارهتا نهفتێ ههبوویه.</span></h3> <h3 style="text-align: justify;"><span style="font-size: 18pt;">ئهوێ پهرلهمانتارێ ئاماژه ب هندێ دا، ل دووڤ راپۆرتهكا هووربینییێ ل دیوانا چاڤدێرییا دارایى ل دهمێ دهستكاریكرنا ههڤبهستان دگهل ههردو كۆمپانییێن بى پى و پێترۆچاینا یێن چینى بۆ پێشڤهبرنا كێلگهها رومێله، ب 820 ملیار و 520 ملیۆن دۆلاران زیان ب عیراقێ كهڤتییه، لهوما پێدڤییه كۆمپانییا هووربینییا بیانى لێكۆلینێ بكهت، داكو زیانێن درووست ئاشكراببن و رێك لێ بهێته گرتن.</span></h3> <h3 style="text-align: justify;"><span style="font-size: 18pt;">بێجارییێ ئهوژى دیاركر، ل دهستكاریكرنا ههڤبهستان، پشكا كۆمپانییا سۆمۆ ژ 25% بۆ 6% كێمبوویه، ئانكو 19%ێ یا پشكا عیراقێ زیان ڤێ كهڤتییه، ههروهسا دهمێ ههڤبهستێ ژ 20 سالان بۆ 25 سالان هاته درێژكرن، ئهڤهژى دبیته ئێك ژ مهزنترین تاوانان بهرامبهر ئابوورێ عیراقێ هاتبیته كرن.</span></h3>
