مه‌سرور بارزانى : ئه‌ڤرۆ سالیادا سه‌ركه‌ڤتنا نیشتیمانپه‌روه‌رییێ ل سه‌ر خیانه‌ت و خاكفرۆشییێ یه‌

سه‌رۆكێ حكومه‌تا هه‌رێما كوردستانێ ژ چارچووڤێ پێشكێشكرنا گوتاره‌كێ ل رێوره‌سمێن ئاهه‌نگا ده‌رچوویێن قوتابییێن زانكۆیا كوردستان راگه‌هاند : ئه‌ڤرۆ سالیادا سه‌ركه‌ڤتنا نیشتیمانپه‌روه‌رییێ ل سه‌ر خیانه‌ت و خاكفرۆشییێ یه‌.

ئه‌ڤرۆ 20ى چریا ئێكێ یا 2022ێ مه‌سرور بارزانى سه‌رۆكێ حكومه‌تا هه‌رێما كوردستانێ ل رێوره‌سمێن ئاهه‌نگا ده‌رچوونا قوتابییێن زانكۆیا كوردستان گوتاره‌ك پێشكێشكر و راگه‌هاند : زانكویا كوردستان ل هه‌ولێرێ ئێك ژ زانكۆیێن پیشه‌نگێن هه‌رێما كوردستانێیه‌ كو شیایه‌ بدرێژاهییا ئه‌ڤان سالان چه‌ندین قوتابییێن خۆ‌دان شیان به‌رهه‌م بینیت، به‌هرا پتر یا ده‌رچوویان شیاینه‌ ل كه‌رتێن گشتى و تایبه‌ت رۆله‌كێ سه‌ره‌كى د سه‌ركردایه‌تییێ دا ببینن، كارتێكرنه‌كا مه‌زن ل سه‌ر چه‌وانییا پێشخستنا هه‌رێما كوردستانێ هه‌بوو.

گوت ژى : ئه‌ڤرۆ رۆژه‌كا دیرۆكییه‌، پێنج سالان به‌رى نوكه‌ ئه‌و رۆژه‌بوو كو داستانا پردێ تێدا هاتییه‌ تۆماركرن، رۆژا سه‌ركه‌ڤتا ئیراده‌یا گه‌لی  ل سه‌ر چه‌ك و سته‌م و زوردارییێ یه‌.

هه‌روه‌سا سه‌رۆكێ حكومه‌تا هه‌رێما كوردستانێ راگه‌هاند ، ئه‌ڤ رۆژه‌ بیرا وان دئینیت كو ب باوه‌رى ب خۆبوون و حه‌ژێكرنا وه‌لاتى ئه‌و دشێن رووبروو هه‌موو به‌رته‌نگییان ببن، و د ژیانا خواندنێژیدا یێ پشت راسته‌ ب باوه‌ری ب خۆبوونێ دێ شێن ل سه‌ر هه‌موو ئاسته‌نگێن ژیانێ ب سه‌ركه‌ڤن، و قوتابى ئاگه‌هداركرن كو دڤێت ئه‌وان باوه‌رى ب خوه‌ هه‌بیت، وه‌كو هه‌ر جار پێدڤییه‌ ئه‌و به‌رى هه‌موو تشتێن دى هزر د حه‌ژێكرنا وه‌لاتیدا بكه‌ن، هزرا پاراستنا ژینگه‌ها وه‌لاتێ خوه‌ بكه‌ن و پره‌نسیپ و پێكڤه‌ژیان و رێزگرتن ل ئایین و نه‌ته‌وه‌یێن دى یێن كو ل كوردستانێ دژین پێشڤه‌ببه‌ن.