ناڤەندا خانی دێ پەرتووکەکێ ل دۆر خەباتا کاوە ئالیخان ڕۆژنامەڤانێ وغەرکری چاپکەت، ل دۆر ڤێ یەکێ نڤیسەرێ پەرتوکێ ئیسماعیل بادی بۆ ئاژانسا خانی ڕاگەهاند، ب پشتەڤانیا بەرپرسێ ناڤەندا خانی یا رەوشەنبیری و ڕاگەهاندنێ، دێ پەرتوکەک ل دور ژیان و بەرهەمێ کاوە ئالیخانی هێتە چاپ و بەلاڤکرن.
بادی گۆت ژی، پەرتوک ل ژێر ناڤێ “کاوە ئالیخان، بێدەنگییاتە دەنگ ڤەدا” هێتە چاپکرن، هەروەسا لبەرە سالرۆژا وەغەرکرنا ڕۆژنامەڤانێ ناڤهاتی بهێتە ساخکرن و د وێ ڕۆژێدا ئەو پەرتوک ژی بهێتە بەلاڤکرن.
کاوە ئالیخان ئەو ڕۆژنامەڤانێ دیارێ ناڤەندا خانی و دەڤەرا بەهدینان بوو، هەروەسا ل هژمارەکا دەزگەهێن دی یێن ڕاگەهاندنێ ل پارێزگەها دهۆکێ کارکربوو، ئەوی بەری سالەکێ و ل (٢٠٢١/١٠/٢٩) ل دەمێ کاری ل رادیۆیا دهۆکێ توشی جەلتێ بوو و پشتی چەند ڕۆژان مانا وی ل نەخۆشخانێ، گیانێ خوە ژ دەستدا.
