بۆ جارا ئێكێ پشتى 80 سالان ئه‌مریكا فرقه‌یا 101 هنارته‌ ئورۆپا

وه‌كو نیشانه‌ك بۆ زێده‌بوونا گرژى و ئالۆزیێن دناڤبه‌را رووسیا و ناتودا، له‌شكه‌رێ ئه‌مریكا بۆ جارا ئێكێ پشتى 80 سالان فرقه‌یا 101 یا ئاسمانى ره‌وانه‌ى رۆمانیا كر.

یه‌كه‌یا پیاده‌ یا سووك كو ناسناڤێ ( بزاڤا هه‌واركه‌ر ) پێ هاتییه‌ دان، راهێنان پێ هاتینه‌ كرن بۆ هندێ د چه‌ند ده‌مژمێراندا ل هه‌ر سه‌نگه‌ره‌كێ جیهانێ جێگیرببن و بۆ شه‌ركرنێ د ئاماده‌بن، عه‌مید جۆن لویاس جێگرێ فرقه‌یێ بۆ كه‌نالێ سى بى ئێس نیوز دیاركر، ئه‌و هێزه‌كا پیاده‌نه‌ و بۆ به‌ره‌ڤانیكرنێ ژ هه‌ر بهوسته‌كا ئاخا ناتویێ د ئاماده‌نه‌، ئه‌وان شیانێن گه‌له‌ك مه‌زن د سه‌روه‌ت و سامان و شیانێن ئاسمانیدا هه‌نه‌.

هه‌روه‌سا جێنێرال لولیان پێردێلاى رۆمانى بۆ كه‌نالێ سى بى ئێس نیوز ئاشكراكر، رامانا درووست بۆ وى كو هێزه‌كا ئه‌مریكى ل ( رۆمانیا ) هه‌بیت، وه‌كو ئه‌وێ چه‌ندێ یه كو‌هه‌ڤپه‌یمانى ل نۆرماندى هه‌بیت، به‌رى دوژمن لێ هه‌بیت.

هێزێن ئه‌مریكا جهه‌ك ل بنگه‌هێن ئاسمانى یێ له‌شكه‌رێ رۆمانیا دانایه‌ و ب گشتى نێزیكى 4700 سه‌ربازێن فرقه‌یا 101 یا ئاسمانى بۆ بهێزكرنا لایه‌نێ رۆژهه‌لاتێ ناتۆ جێگیربووینه‌، و ژ نێزیك چاڤدێرییا هێزێن رووسیا دكه‌ن.