ئاژانسا خانی: تایبەت
جێگرێ سەرۆکێ لیژنا نەفت و غازێ لپەرلەمانێ عێراقێ ئاشکراکر، ئێک ژ ئاریشەیێن سەرەکیێن دناڤبەرا ھەرێم و بەغدا نەبوونا قانوونەکا ئێکگرتیا نەفت و غازێ یە، لیژنا نەفت و غازێ ژی دێ ھەموو بزاڤەکێ بۆ دەرکرنا قانوونەکا ئێکگرتی کەت.
دکتۆر سەباح حەیدەر، جێگرێ سەرۆکێ لیژنا نەفت و غازێ ل پەرلەمانێ عێراقێ بۆ ئاژانسا خانی دیارکر” دو قانوونێن سەرەکی ھەنە ل عێراقێ ئەوژی قانوونا ھژمارە چوار یا کۆمپانیا نەفتا نیشتیمانی لسالا 2018ێ ھاتیە دەرکرن ژلایێ پەرلەمانی، ھەروەسا قانوونا نەفت و غازێ ژی، بەلێ پێدڤیە قانوونەکا ئێکگرتی بۆ نەفت و غازێ ھەبیت ل عێراقێ و مافێ ھەرێما کوردستانێ ژی بەرچاف بھێتە وەرگرتن، ئەوژی بن سیھا مادێ 112یێ دستوورێ عێراقێ، دناڤا دستووری بەحسێ کێلگەھێن نەفت و غازێ یێن داھاتی نەھاتیەکرن، لەوڕا پێدڤیە قانوونەکا عادل بھێتە بەرھەڤکرن و مافێ ھەموو لایەکی تێدا بھێتە پاراستن.
دکتۆر سەباح حەیدەر ئاشکراکر” ئەم وەکی لیژنا نەفت و غازێ دێ ھەموو بزاڤەکێ بکەین بۆ دەرکرنا قانوونەکا ئێکگرتی یا نەفت و غازێ ئەوژی ب دو رێیا یان قانوونا کۆمپانیا نەفتا نیشتیمانیا عێراقێ بھێتە ھەلوەشاندن و دناڤا قانوونا نەفت و غازێ جھێ ئەڤێ قانوونێ بھێتەکرن یانژی قانوونەک بھێتە دانان کار لسەر ھەموو کەرتێن نەفت و غازێ بکەت، ب تایبەتی ئەو ھەرێم و پارێزگەھێن پشتی سالا 2003ێ نەفتێ بەرھەم دئینن پشک ھەبیت.
Like this:
Like Loading...
