<h3 style="text-align: justify;"><span style="font-size: 18pt;">سهرۆك ئهركانێن وهزارهتا پێشمهرگهى سهرپهرشتییا كۆمبوونهكا تایبهت ب پێكئینانا فرقهیێن هێزێن پێشمهرگهیێ كوردستانێ كر و راگههاند، وهزارهتا پێشمهرگهى دێ ل سهر گوهورینان و چاڤدێریكرنا ئهوان فهرمان و بریارێن بۆ رێكخستنا هێزێن پێشمهرگهى دهێن یا بهردهوام بیت.</span></h3> <h3 style="text-align: justify;"><span style="font-size: 18pt;">وهزارهتا پێشمهرگهى یا حكومهتا ههرێما كوردستانێ راگههاندنهك بهلاڤكر و تێدا هاتییه، ئهڤرۆ 23ى چریا ئێكێ یا سالا 2022ێ، فهریق روكن عیسا عوزێر سهرۆك ئهركانێن وهزارهتا پێشمهرگهى، ب ئامادهبوونا نوونهرێن هێزێن 70 و 80ێ و نوونهرێ ههڤپهیمانان ل عیراق و ههرێما كوردستانێ، سهرپهرشتییا كۆمبوونهكا تایبهت ب پێكئینانا دو فرقهیێن لهشكهرى كر، كو بهرى نوكه ب مهرهما كۆمكرنا هێزێن پێشمهرگهى ل دووڤ ( سیاقاتێن عهسكهرى بۆ تهئمینكرنا قیاده و سهیتهرهیان ) بریارا پێكئینانێ ل سهر هاتبوو دان.</span></h3> <h3 style="text-align: justify;"><span style="font-size: 18pt;">سهرۆكێ ئهركانێن وهزارهتا پێشمهرگهى تیشك خسته سهر گرنگییا پێكئینانا فرقهیان و ههماههنگییا دناڤبهرا سهنگهر و یهكهیێن لهشكهریدا، و دووپاتكر وهزارهتا پێشمهرگهى دێ ل سهر گوهورینان و چاڤدێكرنا ئهوان فهرمان و بریارێن بۆ رێكخستنا هێزێن پێشمهرگهى دهێن یا بهردهوامبیت.</span></h3>
