شاخه‌وان عه‌بدلا : هه‌تا نوكه‌ ژڤانێ كۆمبوونا په‌رله‌مانى یێ دیارنینه‌ و پێكهاته‌ ژى رێكنه‌كه‌ڤتینه‌

جێگرێ دووێ یێ سه‌رۆكێ په‌رله‌مانێ عیراقێ راگه‌هاند، هه‌تا نوكه‌ ژڤانێ روونشتنا په‌رله‌مانێ عیراقێ دیارنه‌بوویه‌ و پێكهاته‌ژى دناڤ خوه‌دا رێكنه‌كه‌ڤتینه‌.

ئه‌ڤرۆ 24ى چریا ئێكێ یا 2022ێ شاخه‌وان عه‌بدلا جێگرێ دووێ یێ سه‌رۆكێ په‌رله‌مانێ عیراقێ د پرێسكۆنفرانسه‌كیدا راگه‌هاند، هه‌تا نوكه‌ ژڤانێ روونشتنا په‌رله‌مانێ عیراقێ نه‌هاتییه‌ دیاركرن، و یا دیار نینه دێ كه‌نگى ده‌نگدان بۆ كابینه‌یا نوو یا حكومه‌تێ ‌ژى هێته‌كرن، ژبه‌ركو فراكسیۆن دناڤ خوه‌دا ل سه‌ر پۆستان رێكنه‌كه‌ڤتینه‌.

شاخه‌وان عه‌بدلاى گوت ژى : هێشتا رێككه‌ڤتن ل سه‌ر وه‌زاره‌تان ب تایبه‌ت وه‌زاره‌تا نه‌فتێ نه‌هاتییه‌ كرن، هه‌روه‌سا بوچوونێن جۆدا دناڤ پێكهاته‌یاندا هه‌نه‌ و هێشتا رێكنه‌كه‌ڤتینه‌.