بریارە ئەڤرۆ جڤاتا وەزیرێن هەرێمێ ب سەرۆكاتییا مەسرور بارزانی كۆم بیت و چەندین بابەتێن گرنگ گۆتوبێژكەت.
فەرمانگەها میدیا و زانیاری راگەهاند، ئەڤرۆ رۆژا چارشەمبی جڤاتا وەزیرێن هەرێما كوردستانێ ب سەرۆكاتییا مەسرور بارزانی، سەرۆكێ جڤاتا وەزیران دێ كۆم بیت و چەندین بابەتێن گرنگ گۆتوبێژكەت.
تەوەرێن كۆمبوونا ئەڤرۆ یا جڤاتا وەزیران:
برگا ئێكێ: دیاركرنا ستراتیژییەتا جڤاتا گشتی یا راژێ سەبارەت ب رێكخستنا وەزیفەیا گشتی.
برگا دووێ: دیاركرنا پێشنیارا وەزارەتا باژێرڤانی و گەشتوگوزار بۆ هەمواركرنا خشتەیێ ژمارە ( 5 ) ژ بریارا جڤاتا وەزیران یا تایبەت ب كرێدانا دەڤەرێن پیشەسازی.
برگا سییێ: دیاركرنا راپۆرتا وەزیرێ هەرێمێ بۆ كاروبارێن پێكهاتان تایبەت ب رەوشا پێكهاتێن نەتەوەی یێن تركومان و كلدان و سریان و ئاشووری و پێشنیارا وان بۆ دیاركرنا رۆژەكێ وەك بۆنەیەكا فەرمی ژ رۆژمێرا فەرمی یا هەرێما كوردستانێ ب ناڤێ ( رۆ ژا پێكڤەژیانێ ).
