<h3 style="text-align: justify;"><span style="font-size: 18pt;">سهرۆكێ ههرێما كوردستانێ دگهل شاندهكێ پهرلهمانێ ئهلمانیا كۆمبوو و دیاركر، هیڤییا وى ئهوه حكومهتا نوو یا عیراقێ دزووترین دهمدا بهێته پێكئینان و بشێت ئاریشهیێن خوه دگهل ههرێما كوردستانێ لسهر بنهمایێن دهستوورى چارهسهربكهت.</span></h3> <h3 style="text-align: justify;"><span style="font-size: 18pt;">ئهڤرۆ 26ى چریا ئێكێ یا 2022ێ نێچیرڤان بارزانى سهرۆكێ ههرێما كوردستانێ پێشوازى ل شاندهكێ لژنهیا بهرهڤانییا پهرلهمانێ ئهلمانیا ب سهرۆكایهتییا سارا نانى كر.</span></h3> <h3 style="text-align: justify;"><span style="font-size: 18pt;">ل دووڤ راگههاندنا سهرۆكایهتییا ههرێما كوردستانێ، دكۆمبوونهكێدا پهیوهندییێن ئهلمانیا دگهل عیراق و ههرێما كوردستانێ، درێژكرنا ئهركێ هێزێن ئهلمانیا ژ چارچووڤێ ههڤپهیمانییا نێڤدهولهتى ل عیراق و ههرێما كوردستانێ كو ژلایێ پهرلهمانێ ئهلمانیاڤه بریار لسهر هاتییه دان، مهترسییێن داعشێ و رهوشا دهڤهرێ ب گشتى هاتنه گوتوبێژكرن.</span></h3> <h3 style="text-align: justify;"><span style="font-size: 18pt;">ههروهسا دراگههاندنێدا هاتییه، نێچیرڤان بارزانى سهرهدانا شاندێ پهرلهمانێ ئهلمانیا ب پشتهڤانى بۆ ههرێما كوردستان و عیراقێ ل قهلهمدا، و سوپاسییا پهرلهمان و حكومهت و گهلێ ئهلمانیا بۆ درێژكرنا ئهركێ هێزێن وى وهلاتى ل عیراق و ههرێما كوردستانێ كر، ههروهسا پێزانینێن ههرێما كوردستانێ بۆ پشتهڤانییێن لهشكهرى و مرۆڤایهتییێن ئهلمانیا ل دهمێ شهرێ داعشێ دووپاتكرن.</span></h3> <h3 style="text-align: justify;"><span style="font-size: 18pt;">ل دۆر رهوشا عیراقێ نێچیرڤان بارزانى هیڤی خواستن حكومهتا نوو یا عیراقێ ل زووترین دهم بهێته پێكئینان و بهرسڤا چاڤهرێ و داخوازییێن وهلاتییان بدهت، و ببیته ئهگهرێ ئارامى و سهقامگێرییێ و بشێت ئاریشهیێن خوه دگهل ههرێما كوردستانێ لسهر بنهمایێن دهستوورى چارسهربكهت، و گوت: پێدڤییه پێكهاتهیێن عیراقێ شێوازهكى بۆ پێكڤهژیانێ ل عیراقێ ببینن.</span></h3> <h3 style="text-align: justify;"><span style="font-size: 18pt;">ل دووڤ راگههاندنا سهرۆكایهتییا ههرێمێ، شاندێ پهرلهمانێ ئهلمانیا پهسنا پێشكهڤتنا ههرێما كوردستانێ كر و دووپاتى ل بهردهوامبوونا پشتهڤانییا وهلاتێ خوه بۆ عیراق و ههرێما كوردستانێ كر، و پێزانین بۆ رۆلێ پێشمهرگهی دشهرێ داعشێدا دهربرین، ههروهسا حهزا وهلاتێ خوه بۆ پێشڤهبرنا پهیوهندییان دگهل عیراق و ههرێما كوردستانێ د ههموو بیاڤاندا نیشاندا.</span></h3>
