وهزیرێ خواندنا بلند راگههاند، چاڤهرێیا وان و خهلكێ كوردستانێ ژ زانكۆ و پهیمانگههێن تایبهت ئهوه، ب ئاستهكێ زانستى یێ بلند و ل دووڤ ستانداردێن ئهكادیمى خزمهتگوزارییان پێشكێش بكهن، و دههمان دهمدا دڤێت زانكۆیێن تایبهت پتر خوه ب وهستنینن و وهبهرهێنانهكا زێدهتر ل پێشڤهبرنا كوالیتییا خواندن و راهێنانان بكهن.
ئهڤ داخویانییا ئارام محهمهد قادر وهزیرێ خواندنا بلند و ڤهكۆلینێن زانستى، ئهڤرۆ 26ى چریا ئێكێ یا 2022ێ ل كۆمبوونا دگهل ههموو سهرۆك زانكۆ و پهیمانگههێن تایبهت یێن ههرێما كوردستانێ هات.
وهزیرێ خواندنا بلند و ڤهكۆلینێن زانستى دووپاتكر، وهزارهتا خواندنا بلند ب گرنگیڤه تهماشهى زانكۆ و پهیمانگههێن تایبهت دكهت، و چاڤهرێیا وهزارهت و خهلكێ كوردستانێ ژ زانكۆیێن تایبهت ئهوه كو بشێن ژلایێ پێشڤهبرنا ژێرخانه و شیانێن مرۆڤایهتى و بهردهستكرنا پێدڤییێن زانستیڤه، نموونهیێن سهركهڤتى پێشكێشبكهن.
ههروهسا دیاركر، ل دهمێن بوورى ئهوان كار بۆ هندێ دكر ریفۆرمهكا كوور دسیستهمێ خواندنێدا بكهن، و بزاڤ هاتینه كرن جهێ بهشهكێ مهزن یێ دهرچوییێن ئامادهیى ل زانكۆ و پهیمانگههێن تایبهت بكهن و مفاى ژ شیانێن ئهوان زانكۆیان وهربگرن، داكو ههموو گهنجێن وهلاتى دهرفهت ههبیت خهونێن خوه بجهبینن.
ئاماژه ب هندێ ژی دا، ل سالێن بوورى 45%ێ یا كرێیا خواندنا ئێڤاران و پارالێل و 10 ههتا 25%ێ یا كرێییا خواندنێ ل زانكۆ و پهیمانگههێن تایبهت هاتینه داشكاندن.
