هنارتیێ نه‌ته‌وێن ئێكگرتى ل عیراقێ داخواز دكه‌ت رێكارێن پێتڤى و ڤه‌كۆلینێ ژ ته‌قینا شه‌ڤا بوورى یا به‌غدا بهێنه‌كرن.
یونامى د به‌یانامه‌كێدا راگه‌هاند، سه‌ره‌خوشیی ل كه‌س و كارێن وان قوربانیان دكه‌ین، یێن شه‌ڤا بوورى ژ ئه‌گه‌رێ ته‌قینا تانكه‌ره‌كێ ل نێزیك یاریگه‌هه‌كا وه‌رزشى ل به‌غدا گیانێ خوه ژ ده‌ستدایى.
هه‌ر لدور ڤێ روودانێ سوودانى فه‌رمانا پێكئینانا لیژنه‌كا ڤه‌كولینان ده‌ركر.
هه‌روه‌سا شانه‌یا راگه‌هاندنا ئه‌منى هه‌ر د وێ راگه‌هاندێ دا ئاماژه‌كر، بۆ ڤه‌كۆلینان ژ ئه‌گه‌رێن ڤێ روودانێ ئاشكراكرنا ده‌رئه‌نجامان بۆ رایا گشتى، محه‌مه‌د شیاع سوودانى فه‌رماندێ هێزێن چه‌كدارى یێن عیراقێ، فه‌رمانا پێكئینانا لیژنه‌كا ڤه‌كۆلینان ب سه‌رپه‌رشتیا وه‌زیرێ نافخو ده‌ركر.
