مێسى به‌رسڤا په‌یوه‌ندییێن به‌رشه‌لۆنا ناده‌ت

ستێرا هه‌لبژارتییێ ئه‌رجه‌نتین و یانه‌یا پاریس سانجێرمان یا فره‌نسى لیونێل مێسى به‌رسڤا په‌یوه‌ندیێن به‌رپرسێن یانه‌یا به‌رشه‌لۆنا یا ئسپانى بۆ ڤه‌گه‌ریانێ ناده‌ت.

ل دووڤ رۆژنامه‌یا سپۆرت یا كه‌ته‌لۆنى، كه‌سه‌كێ نێزیك ژ سه‌رۆكێ به‌رشه‌لۆنا خوان لاپۆرتاى ب تله‌فۆنێ په‌یوه‌ندییێ ب مێسى دكه‌ت،‌ داكو دانوستاندنان ل دۆر ڤه‌گه‌ریانا وى بۆ یاریگه‌ها سپۆتیفاى كامپ نۆ بكه‌ت، لێ ستێرا تانگۆیێ به‌رسڤا په‌یوه‌ندییێن وى ناده‌ت.

ژلایه‌كێ دیڤه‌ راپۆرتێن رۆژنامه‌ڤانى یێن بریتانیا ئاماژه‌ ب هندێ دان، مێسى دانوستاندنان دگه‌ل یانه‌یا ئنته‌ر میامى یا ئه‌مریكى دكه‌ت، هه‌روه‌سا كارگێرییا پاریس سانجێرمان ژى بزاڤان دكه‌ت ئه‌وى رازیبكه‌ت كو هه‌ڤبه‌سته‌كا نوو دگه‌لدا ئیمزابكه‌ یانژى هه‌ڤبه‌ستا خوه‌ یا نوكه‌ درێژبكه‌ت، كو هه‌ڤبه‌ستا لیوى دگه‌ل یانه‌یا پایته‌ختێ فره‌نسا دێ ل خزیرانا بهێت ب دووماهى هێت و به‌ندێ نووكرنێ بۆ ماوێ ساله‌كێ د ده‌ستێن یاریكه‌ری دایه‌، ئه‌گه‌ر ئه‌وى ڤیا دێ ساله‌كا دیژى لسه‌ر هه‌ڤبه‌ستا خوه‌ درێژكه‌ت، و ئه‌گه‌ر نه‌ژى دشێت په‌یوه‌ندییێ ب یانه‌یه‌كا دى بكه‌ت.