عەبدولحەكیم خەسرەو، سه‌رۆكێ فه‌رمانگه‌ها هه‌ماهه‌نگى و دیفچوونێ ل جڤاتا وه‌زیرێن هه‌رێما كوردستانێ راگه‌هاند، زێده‌تر ژ 26 هزار فه‌رمانبه‌رێن گرێبه‌ست هه‌نه، نوكه جڤاتا راژه كارى لسه‌ر دكه‌ت، تا لدوڤ میلاك و به‌رچاڤكرنا رێنماییان و لدوڤ پێدڤیا ل وه‌زاره‌تا دامه‌زرینت. و ئاماژه‌كر كو گرێبه‌ستان خزمه‌ته‌كا باش هه‌یه و حكومه‌ت یا دشیاندابیت دێ بۆ كه‌ت.
خه‌سره‌وى دیار ژى كر، بزاڤ هه‌نه مفا ژ شیانێن هه‌لگرێن ماسته‌ر و دكتۆرایێ یێن دانه‌مه‌زراندى بهێت وه‌رگرتن، كو ئه‌و ژى داخوازا دامه‌زراندنێ دكه‌ن، و جڤاتا راژه كارى لسه‌ر داخوازیا وان دكه‌ت ژبو هندێ مفاى ژ شیانێن وان وه‌ربگرین.
جڤاتا وه‌زیران، پشتى كۆمبوونا خویا 26ى مه‌ها بوورى داخوازا دانوستاندنێن به‌رفره‌هكرن و هزرو ستراتیجیه‌تا جڤاتا گشتى یا خزمه‌تێ په‌سه‌ندكرن، هه‌ر دڤى بواریدا جڤاتا خزمه‌تا گشتى راسپاردیه ب دانو ستاندنێن بابه‌تێ دامه‌زراندنا هه‌لگرێن باوه‌رنامێن بلند و كارمه‌ندێن گرێبه‌ست یێن دامه‌زراندیێن هه‌رێمێ.
ئاشكه‌را ژى كر، بوارێ كاركرنێ ل كه‌رتێ تایبه‌ت دێ پێداچوون بو هێته‌كرن، و ب بریارا جڤاتا وه‌زیران 75%ێ ژ ئه‌وكه‌سێن ل پرۆژێن كه‌رتێ تایبه‌ت كاردكه‌ن دڤێت خومالى و خه‌لكی كوردستانێ بن ئه‌و ژی بۆ هاندانا خه‌لكى كوردستانێ، دا ل كه‌تێ تاییبه‌ت كاربكه‌ن.
