محه‌مه‌دێ حاجى مه‌حموودى بۆ سه‌رۆك بارزانى: هه‌لبژارتنا جه‌نابێ هه‌وه‌ پێدڤییه‌كا مێژویى یا ئه‌ڤێ قۆناغێ یه‌

محه‌مه‌دێ حاجى مه‌حموود سكرتێرێ حزبا سوسیالیست دیموكراتى كوردستان په‌یامه‌كا پیرۆزباهییێ ئاراسته‌یى سه‌رۆك مه‌سعوود بارزانى كر و تێدا راگه‌هاند، هه‌لبژارتنا جه‌نابێ هه‌وه‌ پێدڤییه‌كا مێژوویى یا ئه‌ڤێ قۆناغێ یه‌ بۆ پارتى دیموكراتى كوردستان ب تایبه‌تى و خه‌لكێ كوردستانێ ب گشتى.

سكرتێرێ حزبا سوسیالیستا دیموكراتى كوردستانێ دپه‌یاما خوه‌دا بۆ سه‌رۆك بارزانى دیاركر‌، جهێ شازانییێ یه‌ ب هیمه‌تا هه‌وه‌ و دلسۆز و خه‌مخورێن كوردستانێ، گه‌لێ كورد ل ده‌مێ سه‌رۆكایه‌تییا جه‌نابێ هه‌وه‌ بوویه‌ خۆدان ده‌ستكه‌ڤته‌كێ مێژوویى وه‌كو ریفراندۆمێ كو جهێ سه‌ربلندییا هه‌موو لایه‌كییه‌.

به‌رێز جه‌نابێ سه‌رۆك مه‌سعوود بارزانى

سلاڤ و رێز..

ب هه‌لكه‌ڤتا كونگره‌یێ 14ێ و هه‌لبژارتنا جه‌نابێ هه‌وه‌ بۆ سه‌رۆكایه‌تییا پارتى دیموكراتى كوردستان، پیرۆزباهییێن گه‌رم ل جه‌نابێ هه‌وه‌ و هه‌موو ئه‌ندامێن كومیته‌یا ناڤه‌ندییا پارتى دیموكراتى كوردستان دكه‌م، هه‌لبژارتنا جه‌نابێ هه‌وه‌ پێدڤییه‌كا مێژوویى یا ئه‌ڤێ قۆناغێ یه‌ بۆ پارتى دیموكراتى ب تایبه‌تى و خه‌لكێ كوردستانێ ب گشتى.

سیاسه‌تا هه‌وه‌ یا حه‌كیمانه‌، ده‌رفه‌ته‌كا زێرینه‌ بۆ ئێكخستنا ناڤمالا كوردى و ب هێزكرنا حكومه‌تا هه‌رێما كوردستانێ و ئێكده‌نگییا كوردان ل عیراقێ، ده‌ڤه‌رێ و جیهانێ، مێژوویا پارتى دیموكراتى كوردستان و قوربانیدانا هه‌وه‌ سه‌لمێنه‌رێ بزاڤێن هه‌وه‌ بۆ ب ئه‌نجام گه‌هاندنا خه‌باتا ره‌وا یا ملله‌تێ مه‌ و بده‌ستڤه‌ئینانا سه‌ربه‌خۆیێ یه‌ كو خه‌ونا خه‌لكێ كوردستانێیه‌.

جهێ شانازییێ یه‌ ب بزاڤ و هیمه‌تا هه‌وه‌ و دلسۆز و خه‌مخۆرێن كوردستانێ، گه‌لێ كورد ل ده‌مێ سه‌رۆكایه‌تییا جه‌نابێ هه‌وه‌ بوویه‌ خۆدان ده‌ستكه‌ڤته‌كێ مێژوویى وه‌كو ریفراندۆمێ كو جهێ سه‌ربلندییا هه‌موو لایه‌كییه‌، ب ئومێدا هه‌موو بریار و راسپارده‌یێن كونگره‌یى ب هه‌مان سیاسه‌تا هه‌وه‌ یێن به‌رێز و پارتى دیموكراتى كوردستان كو د خزمه‌تا قه‌واره‌یێ سیاسى یێ هه‌رێما كوردستانێدایه‌.

دئه‌ڤێ هه‌لكه‌ڤتێدا، دووپاتییێ ل ئێك رێزییا هێزێن سیاسى و خه‌لكێ كوردستانێ دكه‌ین كو ئه‌وێ چه‌ندێ هیمه‌تا هه‌وه‌ یێن به‌رێز دڤێت.

ب هیڤییا سلامه‌تییا هه‌وه‌

دگه‌ل رێزێن مه‌

محه‌مه‌د حاجى مه‌حموود

6-11-2022