وه‌زیرا ڤه‌گوهاستنێ ل عیراقێ : دێ بهایێ كارتێن موبایلێ ئه‌رزان كه‌ین

وه‌زیرا ڤه‌گوهاستن و راگه‌هاندنێ یا عیراقێ راگه‌هاند، ئه‌و مژوولى ئاماده‌كرنا پرۆژه‌یه‌كینه‌ بۆ ئه‌رزانكرنا كارتێن موبایلێ.

هیام ئه‌لیاسرى وه‌زیرا ڤه‌گوهاستن و گه‌هاندنێ ل حكومه‌تا عیراقێ راگه‌هاند، وه‌زاره‌تا وان مژوولى ئه‌رزانكرنا كارتێن موبایلێ یه‌ و دووپاتى ل وێ چه‌ندێ كر، پرۆژه‌یێ وان بۆ ڤه‌گه‌راندنا بهایێن به‌رێ یێن كارتان ل به‌ر ده‌سته‌ و ل نێزیكترین كۆمبوونا جڤاتا وه‌زیران بۆ دانوستاندكرنێ ل سه‌ر بوددجه‌یا سالا 2023ێ، دێ كه‌ڤیته‌ به‌ر ده‌ستێ جڤاتێ.

هیام ئه‌لیاسرى ئاشكرا ژى كر، ئه‌و بخوه‌ خۆدانێن پرۆژه‌یێ ئه‌رزانكرنا كارتێن موبایلێ نه‌، و حكومه‌تا سوودانى دێ یا هاریكار بیت ژبه‌ركو هاریكارییا ته‌خا هه‌ژاران دكه‌ت.