<h3 style="text-align: justify;"><span style="font-size: 18pt;">به‌رپرسێ سیاسه‌تا ده‌رڤه یێ ئێكه‌تییا ئورۆپا راگه‌هاند، ل ڤان نێزیكان دێ ب تمامى دووماهییێ ب هنارتنا نه‌فتا رووسیا ئینن و پشتبه‌ستنێ ل سه‌ر چه‌ند ژێده‌رێن دى بۆ سووته‌مه‌نییێ كه‌ن.</span></h3> <h3 style="text-align: justify;"><span style="font-size: 18pt;">جوسێپ بۆرێل به‌رپه‌رسێ سیاسه‌تا ده‌رڤه یا ئێكه‌تییا ئورۆپا دیاركر، ئێكه‌تییا ئورۆپا شیایه پشتبه‌ستنا لسه‌ر نه‌فتا رووسیا ژ رێژه‌یا 80%ێ بۆ 40%ێ كێمبه‌كه‌ت، لێ هێشتا هنده‌ك وه‌لاتێن دى وه‌كو هنگاریا پشتبه‌ستنێ ل سه‌ر سووته‌مه‌نییا رووسیا دكه‌ن.</span></h3> <h3 style="text-align: justify;"><span style="font-size: 18pt;">به‌حس ل وێ چه‌ندێ ژى كر، رێككه‌ڤتنا هنارتنا گه‌نمێ ئوكرانیا ب رێكا ده‌ریا ره‌ش یا به‌رده‌وامه، ژبه‌ركو پشكه‌كا مه‌زن یا وه‌لاتێن هه‌ژارێن جیهانێ چاڤه‌رێیى گه‌نمێ ئوكرانیا دكه‌ن.</span></h3> <h3 style="text-align: justify;"><span style="font-size: 18pt;">ئه‌ڤه د ده‌مه‌كیدایه، رووسیا به‌رى ده‌ستپێكرنا شه‌رێ دگه‌ل ئوكرانیا مه‌زنترین هنارتییا نه‌فت و غازێ بوو بۆ ئورۆپا، ب جووره‌كى سالانه 155 ملیار پێیێن سێجا یێن گازا سرۆشتى ژ رووسیا بۆ ئورۆپا دهاتنه هنارتن.</span></h3>
