سەگڤان سندی: سەرۆک وەزیرێن عیراقێ رازیبوویە خه‌لكێ دەڤەرێن سنۆری قه‌ره‌بۆ بكه‌ت

ئاژانسا خانی ، تایبەت:

جێگرێ سەرۆکێ لژنا ئاسایشێ ل پەرلەمانێ عێراقێ ئاشکرا کر، سەرۆک وەزیرێن عێراقێ ل سەر داخوازی یێن خه‌لكی رازیبوویە و بڕیارە خەلکێ زیان ڤێکەفتییێ دەڤەرێن سنۆری بھێنە قەرەبۆ کرن .

سەگڤان سندی، زێده‌تر بۆ ئاژانسا خانی دیار کر” ل شەڤا بۆری ئەم وەکی لژنە ل گەل سەرۆک وەزیرێن عێراقێ کۆمبووینە و مە چەندین داخوازی ژ سەرۆک وەزیرێن عێراقێ کرینە و بڕیارە ئەو داخوازی بھێنە بجهئینان، ئێک ژوان ژی دەست بکاربوونا لیوا ٢٠ یا پێشمەرگەیە و بڕیارە دەست بکارببن و ل گەل مەزاختنا بودجەیی دێ ئاریشا وان ھێتە چارەسەر کرن.

ناڤهاتی گۆت ژی” ئێک ژ داخوازیێن دی قەرەبۆکرنا وان وەلاتییانە یێن ب ئەگەرێ تۆپبارانێن سنۆری دبنە قوربانی و ب شەھید بھێنە ھژمارتن و قەرەبۆیا خەلکێ زیان ڤێکەفتی بھێتە کرن، محەمەد سودانی سۆزدایە ڤێ چەندێ چارەسەر بکەت و ھەم قوربانی ب شەھید بھێنە ھژمارتن و ھەم ژی قەرەبۆیا خەلکی بھێتە کرن.