<h3 style="text-align: justify;"><span style="font-size: 18pt;">نهتهوهیێن ئێكگرتى پێشبینى دكهت، ل چهند رۆژێن بهێن ژمارهیا ئاكنجییێن جیهانێ بگههیته ههشت ملیار كهسان.</span></h3> <h3 style="text-align: justify;"><span style="font-size: 18pt;">ل دووڤ پێشبینییان ل 15ى ئهڤێ ههیڤێ ژمارا ئاكنجییێن جیهانێ دێ گههیته ههشت ملیار كهسان.</span></h3> <h3 style="text-align: justify;"><span style="font-size: 18pt;">ئیدارهیا نهتهوهیێن ئێكگرتى بۆ كاروبارێن ئابوورى و جڤاكى راگههاند، ژ سالا 1950یێ ههتا نوكه بۆ جارا ئێكێیه ژمارا ئاكنجییێن جیهانێ وهسا ب ئارامى زێدهببیت.</span></h3> <h3 style="text-align: justify;"><span style="font-size: 18pt;">ههروهسا دیاركر، ل سالا 2020ێ رێژه ژ 1%ێ كێمتربوو، و پێشبینی دهێتهكرن ل سالا 20230ێ ژمارا ئاكنجییێن جیهانێ بگههیته ههشت ملیار و 500 ملیۆن كهسان، و ل سالا 2050ێ بگههیته نههـ ملیار و 700 ملیۆن كهسان، ههروهسا ل سالا 2080ێ بگههیته 10 ملیار و 400 ملیۆن كهسان و ئهو ژماره ههتا سالا 2100ێ بمینیت.</span></h3> <h3 style="text-align: justify;"><span style="font-size: 18pt;">زێدهبوونا ئاكنجییان ل 61 وهلاتان ب ئاستهكێ بلند داكهڤتییه، هندهك وهلاتان رێژهیا گهشهكرنا وان ژلایێ ئاكنجییانڤه 1%ێ یه.</span></h3> <h3 style="text-align: justify;"><span style="font-size: 18pt;">ل دووڤ راپۆرتا نهتهوهیێن ئێكگرتى پێشبینى دهێتهكرن ههتا سالا 2050ێ نیڤا ئهوان كهسێن دێ ل جیهانێ زێدهبن، دێ ژ ههشت وهلاتان بن ئهوژى، كۆمارا كونگۆ یا دیموكرات، مسر، ئهتیوبیا، هندستان، نایجیریا، پاكستان، فێلیپین و تنزانیا.</span></h3> <h3 style="text-align: justify;"><span style="font-size: 18pt;">ههروهسا پێشبینییا هندێ هاتییه كرن، رێژهیا ئهوان كهسێن ژییێ وان گههشتییه 65 سالان یان زێدهتر ل سالا 2022ێ رێژهیا 10%ێ یا ئاكنجییێن جیهانێیه، بهلێ ل سالا 2050ێ ئهو رێژهیه دێ بۆ 16%ێ بلندبیت.</span></h3>
