شیرەتکارەکێ سەرۆکێ ھەرێما کوردستانێ ئاشکرا کر، د نوکە دا دانوستاندن و لێکتێگەھشتنێن باش دناڤبەرا ھەرێم و بەغدا دا ههنه، پێدڤییە دەلیڤێ بدەینە سۆدانی بۆ بجهئینانا سۆزێن وی ل گەل کوردان.
زیرەک کەمالی” زێدهتر بۆ ئاژانسا خانی دیار کر” دانوستاندن و لێکتێگەھشتن دناڤبەرا ھەرێما کوردستانێ و بەغدا ھەنە و چوونا شاندێ حوکمەتا ھەرێما کوردستانێ بۆ بەغدا ب مەرەما دەستپێکرنا دانوستاندنانە ل دۆر کۆمەکا ئاریشێن ھەلاویستی دناڤبەرا ھەردو ئالییان دا، چونکە ھەموو ئاریشە ب تنێ ب رێیا دانوستاندنان دێ ھێنە چارەسەر کرن، نە بەغدا دشێت تشتەکی ل سەر مە وەکی ھەرێما کوردستانێ بسەپینیت نە ئەم ژی دشیێن ب سەپاندنێ تشتەکی بکەین بەرۆڤاژی باشترین رێک بۆ ئێکلاکرنا ھەر پرسەکێ ئەنجامدانا دانوستاندنانە.
زیرەک کەمالی ئاشکرا کر ژی” ههكه کارناما حوکمەتا محەمەد سۆدانی وەکی خوە بھێتە بجهئینان ئەڤە کارەکێ باشە بۆ ھەرێما کوردستانێ و بەغدا ژی، دڤێت ئەم وەکو ھەرێما كوردستانێ دەلیڤێ بدەینە سەرۆک وەزیرێن عێراقێ، راستە ل سەر دەمێ کابینێن بۆری حوکمەتێن عێراقێ پێگیر نەبووینە ب رێکكەفتن و سۆزێن خوه ل گەل ھەرێما کوردستانێ، دێ چاڤەڕێ بین بزانین سودانی دێ ھەتا چەند سۆزێن خوە بجهئینیت، یا فەرە کورد ژی ئێکگرتی بن و ب ئێک تیم و گۆتار بچنە بەغدا.
