<h3 style="text-align: justify;"><span style="font-size: 18pt;">كچهكا كورد یا 14 سالى كو خهلكا عهفرینا رۆژئاڤایێ كوردستانێیه بۆ بدهستڤهبرنا خهلاتێ نێڤدهولهتی یێ ئاشتییا زارۆكان هاتییه بهربژاركرن.</span></h3> <h3 style="text-align: justify;"><span style="font-size: 18pt;">سێرین مهزلۆم نهعسان كچهكا كوردا خهلكا عهفرینێیه، ژییێ وێ 14 سالن و نیگار كێشه، ئهو بۆ وهرگرتنا خهلاتێ ئاشتییا نێڤدوهولهتى بۆ زارۆكان هاتییه بهربژاركرن و دبێژیت: ههر ل ژییێ گهنجینییێ بزاڤێ دكهت ب رێكا چالاكییێن هونهرى، جیهانێ ئاگههدارى ئازارێن زارۆكێن سووریا بكهت.</span></h3> <h3 style="text-align: justify;"><span style="font-size: 18pt;">سێرین سهرهدانا ئهوان زارۆكان دكهت یێن كو بووینه قوربانییێن شهرى و دهستدرێژییان، و ب رێكا نیگاركێشى، ستران و ژهنینا میوزیكى دلێ وان ئارام دكهت، و بزاڤێ دكهت دیمهنێن شهر و كوشتن و وێرانكرنێ ژ چاڤ و مێشكێن وان دووربێخیت.</span></h3> <h3 style="text-align: justify;"><span style="font-size: 18pt;">سێرین دگهل 170 زارۆكێن دى ژ ههموو جیهانێ ههڤركییا بدهستڤهبرنا خهلاتێ نێڤدهولهتییێ ئاشتییا زارۆكان دكهت، كو ئهو خهلاته ژ سالا 2005ێ وهره ب ئهوى زارۆكى دهێتهدان ئهوێ كار بۆ مافێ زارۆكان دكهت و ژلایێ كۆمهلا خهلاتێن نۆبل ڤه دهێته پێشكێشكرن.</span></h3>
