ل دویڤ راپۆرتەكا رێكخراوا ساخلەمییا جیهانی، ل سالا 2022ێ و ب ئەگەرێ بلندبوونا پلەیێن گەرمێ ل وەلاتێن ئەورۆپا، نێزیكی 15 هزار كەسان ژیانا خوە ژ دەست دا و مەزنترین هەژمارا قۆربانییان ل وەلاتێن ئەلمانیا و ئسپانیا بوو.
هانس كلوجی، رێڤەبەرێ رێكخراوا ساخلەمیییێ ل ئەورۆپا راگەهاند، د ماوێ هەرسێ هەیڤێن خزیران و و تەمووز و ئاب یێن ئەڤسالە دا كو تێدا بلندترین پلەیێن گەرمێ ل ئەورۆپا هاتینە تۆماركرن، چار هزار كەسان ل ئسپانیا، پتر ژ هزار كەسان ل پورتوگال، پتری سێ هزار و 200 كەسان ل شاهنشینا ئێكگرتی و 4 هزار و 500 كەسان ل ئەلمانیا ژیانا خوە ژ دەستدا.
