دووپشك.. ناسناڤێ ئهوى قاچاخچییێ كورده یێ كو بهشهكێ وهلاتێن ئورۆپا ب خۆڤه مژوولكری، ب قاچاخبرنا كوچبهران بۆ بریتانیا هاتییه تومهتباركرن.
ئاژانسا تاوانێن نیشتیمانییا بریتانیا دراگههاندنهكێدا بهحسا هندێ كر، ئهو دگهل ههڤپشكێن خوه ل بهلجیكا ل سهر هێلن و ل سهرۆكێ گرۆپهكێ رێكخراوا تاوانان دگهرن كو بهرپرسه ژ برنا زێدهتر ژ 100 كوچبهران ب بهلهمێن بچووك و بارههلگران ژ بهلجیكا بۆ بریتانیا.
ئاژانسا حكومهتا بریتانیا وێنهیێ كهسهكى بهلاڤكرییه و دبێژیت: ناڤێ قاچاخچى بارزانى كهمال مهجیده و ب ( دووپشك ) یێ ناڤداره، ل ههیڤا بوورى بێى ئامادهبوونا وى ل دادگهها باژێرێ برۆج یێ باكوورێ بهلجیكا، سزایێ 10 سالێن زیندانكرنێ ب تومهتا چاقاخچیكرنێ بۆ دهركهڤتییه.
ل دووڤ ئاژانسا بریتانیا، بارزان دژییێ 36 سالییێ دایه، بهرى نوكه ل نوتینگهاما بریتانیا دژیا و سزایێ دارایى 968 هزا یورۆ لسهر دهركهڤتییه، و نوكه ل بریتانیا و بهلجیكا فهرمانا دهستهسهركرنێ بۆ دهركهڤتییه و لێكۆلهر دوڤچوونا كهیسا وی دكهن.
ههروهسا ئاژانسا تاوانان دیاركر، بارزان كهمال ل سالا 2013ێ چوویه بریتانیا و ل دهڤهرا ههكنال یا نوتینگهام ژییایه، و ل سالا 2015ێ دیپۆرتى ههرێما كوردستانێ هاتییهكرن، و حكومهتا بریتانیا ئاشكراكر، ئهو قاچاخچییێن هاتینه دهستهسهركرن بههرا پتر یا وان ناڤێ بارزانى ب ناڤێ ( دووپشك ) د موبایلێن خوهدا تۆماركرییه.
