حكومه‌تا هه‌رێما كوردستانێ بهایێ ده‌رمانان ل هه‌موو ده‌رمانخانه‌یان رێكخست

فه‌رمانگه‌ها میدیا و زانیارییان یا حكومه‌تا هه‌رێما كوردستانێ به‌لاڤكرییه،‌ نووترین پێنگاڤا كابینه‌یا نه‌هێ ل سێكته‌رێ ساخله‌مییێ، ئێكخستنا بهایێ ده‌رمانان ل هه‌موو ده‌رمانخانه‌یێن هه‌رێما كوردستانێ یه‌.

ل دۆر ڤێ چه‌ندێ د. شێروان سادق رێڤه‌به‌رێ گشتییێ كوالێتییا كونترۆلا ده‌رمانان گوت : لسه‌ر بنه‌مایێ ئه‌وان تۆماران یێن پێشتر لسه‌ر بها و جوورێ ده‌رمانان هاتییه‌ دیاركرن، پێداچوون بۆ بهایێ ده‌رمانان هاتییه‌ كرن، و نوكه‌ بهایێ ده‌رمانان ل هه‌موو هه‌رێما كوردستانێ هاتییه‌ رێكخستن و وه‌لاتى دشێن ب رێكا (QR) كیو ئار كود كو لسه‌ر سه‌ر پاكیتا ده‌رمانایه،‌ كوالێتى و ده‌مێ بسه‌رڤه‌چوونێ و بهایێ ده‌رمانى بزانن.

ئاماژه‌ ب هندێ ژى دا ژ1-11-2022ێ ئه‌و پرۆژه‌‌ كه‌ڤتییه‌ بوارێ بجهئینانێدا، به‌لێ ساله‌ك هه‌تا دوو سالان پێ دڤێت هه‌تاكو بشێن هه‌موو ده‌رمانێن نافخۆ سیسته‌م بكه‌ن، و هوشدارى دا كو ئه‌گه‌ر هه‌ر كۆمپانى و ده‌رمانخانه‌یه‌كا پابه‌ندى ئه‌وى بهاى و رێنمایان نه‌بیت، دێ ب توندترین شێوه‌ هێته‌ سزادان.