ئه‌ڤرۆ 16ى چریا دووێ یا 2022ێ سه‌رۆك بارزانى ل پیرمام پێشوازى ل ماتى لاسیللا بالیۆزێ فینله‌ندا ل عیراقێ كر.
د دیداره‌كێدا بالیۆزێ فینله‌ندا ل عیراقێ پێزانین بۆ بزاڤێن سه‌رۆك بارزانى د خه‌بات و مێژویا هه‌ڤچه‌رخ یا گه‌لێ كوردستانێ دا هه‌بوون، و سوپاسییا رۆلێ پێشمه‌رگه‌ى و هه‌رێما كوردستانێ و سه‌رۆك بارزانى دشه‌رێ تیرۆر و شكاندنا تیرۆرستێن داعشێدا كر.
دپشكه‌كا دى یا دیدارێدا بالیۆزێ فینله‌ندا ل عیراقێ دووپاتكر، وه‌لاتێ وى دێ لسه‌ر پشته‌ڤانى و پێدانا راهێنانان ب هێزێن پێشمه‌رگه‌یێ كوردستانێ یێ به‌رده‌وامبیت، و سوپاسییا حكومه‌تا هه‌رێمێ بۆ هاریكارى و هه‌ماهه‌نگیكرنێ ل ڤه‌گه‌راندنا وه‌لاتییێن فینله‌ندا ژ سووریایێ كر.
ره‌وشا سیاسى یا عیراقێ ته‌وه‌ره‌كێ دى یێ ئه‌وێ كۆمبوونێ بوو.
