لژنا دانانا سیستەمێ غازا LPG ب سەرپەرشتیا پارێزگارێ دهۆکێ كۆمبوو

ئه‌ڤرۆ ب سەرپەرشتیا د.عەلی تەتەر، پارێزگارێ دهۆکێ و ب ئامادەبوونا جێگرێ پارێزگاری و دامودەزگەهێن پەیوەندیدار کۆمبوونا لژنا سەرپەرشتیکرن و دانانا سیستەمێ غازێ LPG هاتە ئەنجامدان.

دکۆمبوونێدا دووپات ل بجهئینانا رێنمایێن سالا بووری یێن لژنا ناڤبری و کارگێریا پارێزگەها دهۆکێ هاتەکرن، دپەیڤەکێدا پارێزگارێ دهۆکێ دۆپات كر ل بابەتێن سلامەتییا گشتی و بەرژەوەندیا گشتی پێڤە گرێدایی ب بەرژەوەندیێن تاکی نادەین و نابیت بجهئینانا ڤان رێنمایان بهێتە پشتگوهـ هاڤێتن.

پارێزگارێ دهۆکێ ب لژنا ناڤبری راگەهاند: چ پێدڤیە دگەل کۆمپانیێن تایبەتمەند بۆ پاراستنا سلامەتیا وه‌لاتییان بهێتەکرن، بابەتێن هوشیاریا بکارئینانا سیستەمێ غازێ بهێنە زێدەکرن.

هەروەسا پارێزگارێ دهۆکێ دیارکر، بۆ هەر کەمتەرخەمیەکێ دێ پێرابوونێن یاسایی هێنە وەرگرتن، ل دوماهیێ پارێزگارێ دهۆکێ دەستخوشی ل لژنا سەرپەرشتیکرن و دانانا سیستەمێ غازێ کر و هیڤیا سەرکەفتنێ خواست.