ئه‌لمانیا داخوازێ ژ توركیا دكه‌ت رێزێ ل قانوونا نێڤده‌وله‌تى بگریت

ئه‌لمانیا داخوازا به‌رسڤدانه‌كا گونجاى ل دووڤ قانوونا نێڤده‌وله‌تى كر، پشتى توركیا پێگه‌هێن په‌كه‌كێ و هه‌سه‌دێ ل هه‌رێما كوردستانێ و رۆژئاڤاى بۆردوومانكرین.

رۆژا دووشه‌مبى 21ى چریا دووێ یا 2022ێ، كریستۆڤه‌ر بێرگه‌ر په‌یڤدارێ وه‌زاره‌تا ده‌رڤه‌ یا ئه‌لمانیا د پرێسكۆنفرانسه‌كیدا ل دۆر هێرشێن توركیا بۆ سه‌ر ئاخا هه‌رێما كوردستانێ و رۆژئاڤایێ كوردستانێ گوت: دڤێت هه‌موو ده‌مان به‌ره‌ڤانى ژ خه‌لكێ سڤیل بهێته‌كرن، وه‌لاتێ وى داخوازێ ژ توركیا دكه‌ت بشێوه‌یه‌كێ گونجاى سه‌ره‌ده‌رییێ بكه‌ت و رێزێ ل قانوونا نێڤده‌وله‌تى بگریت.