كونسۆلخانه‌یا هۆله‌ندا ل دۆر هێرشێن ئیرانێ : نابیت ئێدنى توندوتیژى ب دژى هه‌رێما كوردستانێ بهێته‌كرن

كونسۆلخانه‌یا هۆله‌ندا ئیدانه‌یا هێرشا مووشه‌كى و درۆنێن ئیرانێ بۆ سه‌ر هه‌رێما كوردستانێ كر و داخواز كر ئێدى توندوتیژى ب دژى هه‌رێما كوردستانێ نه‌هێته‌كرن.

كونسۆلخانه‌یا گشتییا هۆله‌ندا ل هه‌ولێرێ دتویته‌كیدا دیاركر، ئه‌و دووباره‌ دكه‌ن، هۆله‌ندا ب تووندى ئیدانه‌یا هێرشێن به‌رده‌وام یێن مووشه‌كى و درۆنى بۆ سه‌ر هه‌رێما كوردستانێ و عیراقێ دكه‌ت.

كونسۆلخانه‌یا گشتییا هۆله‌ندا ل هه‌ولێرێ پشته‌ڤانییا خوه‌ بۆ رێزگرتن ل سه‌روه‌رییا ئه‌ردێ عیراقێ دووپاتكر و گوت: هیڤیدارن دووماهى ب هاورده‌كرنا توندوتیژییێن ده‌ڤه‌رێ بۆ ناڤا هه‌رێما كوردستانێ و عیراقێ بهێت.