سهرۆك بارزانى پێشوازى ل سكرتێرێ ئێكهتییا جیهانى یا زانایێن موسلمان و شاندهكێ ههڤپشك یێ زانكۆیا گهشهپێدانا مرۆڤى و رێكخراوا كوربهندێ مرۆڤى ل كوردستانێ كر.
ئهڤرۆ 22ه چریا دووێ یا سالا 2022ێ سهرۆك بارزانى ل پیرمام پێشوازى ل دكتور عهلى قهرهداغى سكرتێرێ ئێكهتییا جیهانى یا زانایێن موسلمان و شاندهكێ ههپشك یێ زانكۆیا گهشهپێدانا مرۆڤى و رێكخراوا كوربهندێ مرۆڤى ل كوردستانێ كر.
د دیدارهكێدا رهوشا عیراقێ و دهڤهرێ هاته گوتوبێژكرن، و هزر و بیر ل دۆر ههڤركى و گهفێن بهردهم سهقامگێرى و ئاشتهواییێ ل دهڤهرێ و جیهانێ هاتنه لێكگوهارتن، ههروهسا دووپاتى ل رهتكرنا زمانێ گهفان و ئێك و دوو شكاندنێ هاتهكرن، و هاته دیاركرن كو زمانێ دیالۆگ و ئاشتیخوازییێ باشترین رێكه بۆ چارهسهركرنا ئاریشه و قهیرانێن دهڤهرێ.
د پشكهكا دى یا ئهوێ دیدارێدا دانوستاندن ل دۆر رهوشا نافخۆ یا كوردستانێ و دلگرانییێن خهلكێ كوردستانێ هاته كرن.
