ئهڤرۆ سێشهمبی 2022/11/22 ێ” نێچيرڤان بارزانى، سهرۆكێ ههرێما كوردستانێ، ل بهغدا ل گهل د. عهبدولهتيف ڕهشيد سهرۆك كۆمارێ عێراقێ كۆمبوو.
رهوشا دژوار یا ئاوارێن عێراقێ ل كهمپان دا خسته بهر دانوستاندنان و ههڤرابوون كو دڤێت كارێ ههڤپشك بۆ باشتركرنا رهوشا ژيانێ و ژیارا خهلكی بهێته كرن.
ههروهسا داوی پێشهاتێن ئهمنى و سياسى و ئابووری یێن وهلاتییان هاتنه بهحس كرن و دوپاتی ل پشتگيريیا گاڤێن حكومهتا فيدرالى بۆ جێبهجێكرنا كارناما وێ د باشكرنا ژیارا خهلكی و پێشكێشكرنا خزمهتگوزاريیان باشتر لێ بكهن هاته كرن.
ههروهسا بهحسێ پهيوهندی یێن عێراقێ ل گهل وهلاتێن جیران هاته كرن كو دڤێت ل سهر بنهماىێ ڕێزگرتنێ و بهرژهوهنديیا ههڤپشك بیت، ههروهسا دوپاتی ل هاريكارى و يهكخستنا شییانان بۆ پاراستنا سهقامگيرى و سهروهريیا عێراقێ كرییه.
دیسان ههردو ئالییان داكۆكی ل گرنگيیا هاريكارى و ههماههنگيیا ههڤپشك دناڤبهرا ههموو هێزێن ئهمنی و پێشمهرگهیی و سوپایی دا كر بۆ ژناڤبرنا تيرۆرستان و پاراستنا سهر و مال و ژيانا وهلاتییان.
ههروهسا گوتۆبێژ دهربارهیى كێشێن دناڤبهرا ههولێرێ ـ بهغدا كر و ههردو ئالییان دوپاتی كر” كو دڤێت دانوستاندێن ئاڤاكهر بهێنه كرن و د زووترين دهمدا ياسایێن ههلاویستی ل جڤاتا نوونهران بهێنه پهسهند كرن و لدووڤ دهستووری بگههنه چارهسهریهكێ كو ماف و دادپهروهريیا جڤاكی و يهكسانى دناڤبهرا ههموو پێكهاتێن عێراقێ دا مسۆگهر بكهت.
