<h3 style="text-align: justify;"><span style="font-size: 18pt;">خزمه‌تگوزارییا ده‌نگى بۆ زمانێ كوردى ( سۆرانى ) ل وه‌رگێرانا گۆگلى دێ هێته زێده‌كرن، بۆكان حه‌سه‌ن ئه‌و گه‌نجێ رۆلێ سه‌ره‌كى د زێده‌كرنا شێوه‌زارێ سۆرانى د وه‌رگێرانا گۆگلیدا ئیناى، كار لسه‌ر زێده‌كرنا سیسته‌مێ ده‌نگى دكه‌ت و كۆمپانییا گۆگلى داخواز ژێ كرییه، هاریكارییا وان بۆ تۆماركرنا زێده‌تر ژ هزار فایلێن ده‌نگى وه‌كو تاقیكرن بكه‌ت، و ل قووناغا بهێت ژى نێزیكى دوو ملیۆن په‌یڤ و رسته دێ به‌رده‌ست بن داكو ب كوردى بهێنه خواندن.</span></h3> <h3 style="text-align: justify;"><span style="font-size: 18pt;">بۆكان حه‌سه‌نى ئاماژه ب هندێ دا كۆ كۆمپانییا گۆگلى بۆ ماوێ 10 رۆژان ره‌زامه‌ندى بۆ زێده‌كرنا چه‌ند زمانان بۆ به‌شێ وه‌رگێرانا ده‌نگى ل گۆگلى دایه، ئێك ژ وان زمانان كوردییه، و ب گوتنا بۆكانى، كۆمپانییا گۆگلى ئه‌پلیكه‌یشنێ زێده‌كرنا ئه‌وان زمانان بۆ 29 كه‌سان ل وه‌لاتێن جوودا یێن جیهانێ هنارتییه، ئێك ژ وان كه‌سان بۆكانه و گۆگلى داخوازا هاریكارییێ ژێ كرییه.</span></h3> <h3 style="text-align: justify;"><span style="font-size: 18pt;">بۆ زێده‌كرنا سیسته‌مێ وه‌رگێرانا ده‌نگى ل گۆگلى، پێدڤییه ب په‌یڤ و رسته‌یێن كوردى فایلا ده‌نگى ل سیسته‌مێ وه‌رگێرانا گۆگلى بهێته تۆماركرن، بۆكان حه‌سه‌ن دبێژیت : پشتى كو گۆگلى داخوازا فایلێن ده‌نگێ زێده‌تر ژ 1000 كه‌سان ب كوردى ژێ كرى، ئه‌وى ل تۆرێن جڤاكى داخواز ژ خه‌لكى كر، كى دشێت هاریكارییا وى بكه‌ت، دماوێ دوو رۆژندا زێده‌تر ژ 1000 كه‌سان به‌رهه‌ڤییا خوه ده‌ربرى.</span></h3> <h3 style="text-align: justify;"><span style="font-size: 18pt;">پێشتر دوو ملیۆن و 500 هزار داتا بۆ وه‌رگێرانێ بشێوه‌زارێ سۆرانى ل گۆگلى هاتینه تۆماركرن، گۆگل ل چه‌ند رۆژێن بهێت دێ ئه‌وان په‌یڤان هنێریت داكو ب ده‌نگى بهێنه خواندن، دڤێت زێده‌تر ژ 600 ده‌مژمێرێن خواندنا ده‌نگێ كوردى بۆ گۆگلى بهێنه هنارتن، داكو سیسته‌مێ وه‌رگێرانا ده‌نگێ كوردى ب شێوه‌زارێ سۆرانى بهێته كاراكرن.</span></h3>
