<h3 style="text-align: justify;"><span style="font-size: 18pt;">محه‌مه‌د شیاع سوودانى سه‌رپه‌رشتییا كۆمبوونه‌كا تایبه‌ت ب پرۆژه قانوونا بودجه‌ى كر و داخوازكر ب زووترین ده‌م پرۆژه بۆ په‌رله‌مانى بهێته هنارتن داكو ده‌نگ لسه‌ر بهێته‌دان.</span></h3> <h3 style="text-align: justify;"><span style="font-size: 18pt;">نڤێسینگه‌ها سه‌رۆكوه‌زیرێن عیراقێ دیاركر، ئه‌ڤرۆ محه‌مه‌د شیاع سوودانى سه‌رۆكوه‌زیرێن عیراقێ سه‌رۆكایه‌تییا كۆمبوونه‌كا تایبه‌ت بۆ دانوستاندكرنێ ده‌رباره‌ى پرۆژه قانوونا بودجه‌یا فیدرالى یا سالا 2023ێ كر.</span></h3> <h3 style="text-align: justify;"><span style="font-size: 18pt;">سوودانى دكۆمبوونێدا گوت: پێدڤییه ئه‌ڤ پرۆژه قانوونه ب زووترین ده‌م تمام ببیت و پێشكێشى په‌رله‌مانى بهێته‌كرن، داكو بێى گیروبوون بكه‌ڤیته دبوارێ بجهئینانێدا.</span></h3> <h3 style="text-align: justify;"><span style="font-size: 18pt;">سوودانى ئه‌وژى ئاشكراكر، كارێن سه‌ره‌كى یێن به‌رنامه‌یێ حكومه‌تێ نه‌هێلانا بێكارییێ، كێمكرنا رێژه‌یا هه‌ژارییێ، رووبرووبوونا گه‌نده‌لییێ و باشتركرنا خزمه‌تگوزاریییان دگه‌ل بجهئینانا چاكسازییێ دبوارێ ئابووریدانه.</span></h3> <h3 style="text-align: justify;"><span style="font-size: 18pt;">ل دووڤ قانوونا كارگێری دارایى، پێدڤییه هه‌تا 15ى هه‌یڤا 10 یا هه‌موو سالان پرۆژه قانوونا بودجه‌ى ره‌وانه په‌رله‌مانى بهێته‌كرن، به‌لێ هه‌تا نوكه پرۆژه قانوونا بودجه‌ى ره‌وانه‌ى په‌رله‌مانى نه‌هاتییه كرن.</span></h3>
