هاریكارێ سه‌رۆككۆمارێ ئیرانێ ئه‌جنده‌یا سه‌ره‌دانا سه‌روكوه‌زیرێن عیراقێ ئاشكراكر وگوت: دێ یاداشتنامه‌كا به‌رفرهكرنا هاریكاریان هێته ئیمزاكرن.
محەممەد جەمشیدی، هاریكارێ كاروبارێن سیاسى ل نڤیسنگه‌ها سه‌رۆككومارێ راگه‌هاند، محه‌مه‌د شیاع سوودانى سه‌رۆكوه‌زیرێن عیراقێ ئه‌ڤرۆ ب سه‌رۆكاتیا شانده‌كێ سیاسى و ئابوورى گه‌هشته ته‌هران، گوت ژی مه‌ره‌ما سه‌ره‌دانا وى ژبۆ گرنگیپێدان په‌یوه‌ندیان و به‌رفره‌هكرنا هاریكاریێن دناڤبه‌را ئیران و عیراقێ یه و دێ یاداشتنامه‌كا تایبه‌ت یا به‌رفره‌هكرنا هاریكاریێن دناڤبه‌را هه‌ردوو وه‌لاتان دا هێته ئیمزاكرن.
