<h2 style="text-align: justify;"><span style="font-size: 18pt;">شاندەکێ حکومەتا هەرێما کوردستانێ کو پێکهاتبوون ژ کەمال محەمەد ساڵح، وەزیرێ سامانێن سروشتی ب وەکالەت، د.ئومێد سەباح، سەرۆکێ دیوانا جڤاتا وەزیران، د.عەبدولحەکیم خەسرەو، سەرۆکێ فەرمانگەها هەماهەنگی و دویڤچوونێ، د.جوتیار عادل، پەیڤدارێ حکومەتا هەرێما کوردستانێ و سەرۆکێ فەرمانگەها میدیا و زانیاری و فارس عیسا، سەرۆکێ نوینەرایەتیا حکومەتا هەرێمێ ل بەغدا سەردانا بانکا ناڤەندی یا فیدراڵ کر و ژ لایێ مستەفا غالب، پارێزگارێ بانکا ناڤەندی یا عیراقێ ڤە هاتنە پێشوازی کرن.</span></h2> <h2 style="text-align: justify;"><span style="font-size: 18pt;">د دیدارەکێ دا کو ئیحسان ئەلیاسری، شیرەتکارێ بانکا ناڤەندی ئامادەبوو، هەردوولا دوپاتی لسەر هەماهەنگیا دناڤبەرا وان دا کر دەربارەی رێکخستنا کەرتێ بانکی و بەردەوامیدان ب تمامکرنا رێکارێن دروستکرنا بانکا نشتیمانی ل هەرێما کوردستانێ ژ بۆ هندێ هەڤنشتیمانی بشێن مفای ژێ وەربگرن.</span></h2> <h2 style="text-align: justify;"><span style="font-size: 18pt;">بۆ دەمێ دوو ڕۆژانە شاندێ حکومەتا هەرێما کوردستانێ بۆ گوتوبێژکرن لسەر چەند پرسێن گرنگ و تایبەت ب شایستێن هەرێما کوردستانێ و چارەسەرکرنا ئاریشەیێن هەلاویستی یێن دناڤبەرا حکومەتا هەرێما کوردستانێ و حکومەتا فیدڕاڵ دا، سەرەدانا بەغدا کریە و چەندین کۆمبوون ئەنجامداینە.</span></h2>
