” پشكا هەرێمێ دێ دناڤبەرا 21 بۆ 28 ترلیۆن دیناران دا بیت. “
د. نەرمین مەعرووف، ئەنداما لیژنا دارایی ل پەرلەمانێ عیراقێ راگەهاند، پێشبینی دهێتەكرن بۆدجا گشتی یا سالا 2023ێ یا عیراقێ دناڤبەرا 150 بۆ 200 ترلیۆن دیناران دا بیت، ئەڤە ژی دێ بیتە مەزنترین بۆدجە د دیرۆكا عیراقێ دا.
ئاشكەرا ژی كر، ل دویڤ نویترین زانیاری كو ژ وەزارەتا پلاندانانا عیراقێ ب دەست وان كەفتییە دیاربوویە، ئاكنجییێن هەرێما كوردستانێ رێژا 14% یا ئاكنجییێن عیراقێ پێكدئینن و ل دویڤ ڤێ رێژێ ژی پشكا هەرێما كوردستانێ دێ دناڤبەرا 21 بۆ 28 ترلیۆن دیناران دا بیت.
دهێتە زانین شاندێ حكومەتا هەرێمێ ژی د نوكە دا ل بەغدایە ب مەبەستا گۆتوبێژكرنێ ل گەل حكومەتا فیدرالی دەربارەی پشك و شایستەیێن دارایی یێن هەرێمێ د پرۆژەیاسایێ دا.
