سەرۆكێ حكومەتا هەرێمێ پێشوازی ل بالیۆزێ كوریا باشوور كر

ئەڤرۆ مەسرور بارزانی، سەرۆكێ حكومەتا هەرێما كوردستانێ پێشوازی ل چۆی سونگ سوو، بالیۆزێ كوریا باشوور ل عیراقێ كر.

د دیداره‌كێدا پێشڤەبرنا پەیوەندیێن هەرێما كوردستانێ و كوریا باشوور هاتنە گۆتوبێژكرن و بالیۆزێ كووریا زێدەباری ئاماژەكرنێ ب گرنگییا خۆرتكرنا پەیوەندییێن دۆستایەتی یێن وەلاتێ وی دگەل هەرێما كوردستانێ، كۆرتییەك ل دۆر كار و پرۆژێن خوە ل هەرێمێ دیاركر.

ژلایێ خوه‌ڤە سەرۆكێ حكومەتا هەرێمێ سوپاسییا كووریا باشور كر ژ بۆ پشكداریكرنا وان د پرۆسەیا گەشەپێدانا هەرێمێ و پشتەڤانیكرنێ ل حكومەتا هەرێما كوردستانێ ب رێیا ئەنجامدانا چەندین پرۆژەیێن هەڤپشك دناڤبەرا حكومەتا هەرێمێ و ئاژانسا كویكا یا كوریا باشوور د چەندین بواراندا، ب تایبەتی دیجیتالكرن و ئەلكترۆنیكرنا سیستەمێ هه‌ڤبه‌ستێن گشتی كو دێ بیتە ئەگەرێ سنۆرداركرنا ب هەدەردانا سامانێ گشتی و پێشڤەبرنا روون و شەفافیەت كو پشكەكا گرنگ یا كارناما كابینا نەهێ یا حكومەتا هەرێمێ یە.