فه‌رمانگه‌ها میدیا و زانیارییان یا حكومه‌تا هه‌رێما كوردستانێ د راگه‌هاندنه‌كێدا ئاماژه ب هندێ دا، سه‌رۆكێ حكومه‌تێ فه‌رمانا لێخۆشبوونێ بۆ ژماره‌كا حوكمدارێن هێزێن ئاسایشا نافخوه ده‌ركر.
ئه‌ڤرۆ 29ى چریا دووێ یا 2022ێ فه‌رمانگه‌ها میدیا و زانیارییان راگه‌هاندنه‌ك به‌لاڤكر و تێدا دیاركر، مه‌سرور بارزانى سه‌رۆكێ حكومه‌تا هه‌رێما كوردستانێ، فه‌رمانا لێخۆشبوونێ بۆ ئێك هزار و 659 كارمه‌ندێن حوكمدارێن هێزێن ئاسایشا نافخوه كو تاوانا ره‌ڤینێ كربوون و ئه‌ركێن خوه هێلابوون، ده‌ركر.
ئه‌وژى دیاركر، ئه‌ڤ لێبوورینه یا تایبه‌ته و بتنێ حوكمداران دگریت، كو ب تنێ تاوانا ره‌ڤینێ كرییه و چ سزایێن ته‌به‌عى و ته‌كمیلى و ئاسه‌وارێن سزایى بخوه‌ڤه ناگریت.
