<h3 style="text-align: justify;"><span style="font-size: 18pt;">وه‌زیرێ كاره‌با عیراقێ سوپاسییا وه‌زیرێ كاره‌با حكومه‌تا هه‌رێما كوردستانێ كر، كوهه‌ڤكارێن باش بوون بۆ دابینكرنا كاره‌بێ بۆ ئاواره‌یان و مفایه‌كێ مه‌زن ژ پێشكه‌ڤتنا كاره‌با هه‌رێمێ د پرۆژه و سیسته‌مێ نوو یێ به‌رهه‌مئینانا كاره‌بێدا دیتییه.</span></h3> <h3 style="text-align: justify;"><span style="font-size: 18pt;">ئه‌ڤرۆ 30ى چریا دووێ یا 2022ێ ئه‌ندازیار كه‌مال محه‌مه‌د سالح وه‌زیرێ كاره‌با حكومه‌تا هه‌رێما كوردستانێ ل به‌غدا دگه‌ل زیاد عه‌لى فازل وه‌زیرێ كاره‌با حكومه‌تا عیراقێ كۆمبوو، و دانوستاندن ل دۆر پێشڤه‌برنا په‌یوه‌ندییان و هاریكارى و هه‌ماهه‌نگییا دناڤبه‌را هه‌ردوو وه‌زارتاندا و باشكرنا ره‌وشا كاره‌بێ دگه‌لدا كرن.</span></h3> <h3 style="text-align: justify;"><span style="font-size: 18pt;">وه‌زیرێ كاره‌با حكومه‌تا هه‌رێمێ ب كورتییه‌كێ به‌حسا پێنگاڤێن چاره‌سه‌ركرنا ئاریشه‌یێن سێكته‌رێن كاره‌بێ كر و راگه‌هاند، نوكه هه‌رێما كوردستانێ برێكا دانانا سیسته‌مێ پیڤه‌رێ زیره‌ك شیایه دادپه‌روه‌رییێ د به‌لاڤكرنا كاره‌بێدا بكه‌ت.</span></h3> <h3 style="text-align: justify;"><span style="font-size: 18pt;">ل دووماهییا دیدارێ هه‌ردوو لایه‌ن رێككه‌ڤتن كو ئه‌ڤ جۆره كۆمبوون و دیداره دناڤبه‌را هه‌ردوو وه‌زاره‌تاندا د به‌رده‌وامبن، داكو بشێن باشترین خزمه‌ت پێشكێشى وه‌لاتییان بكه‌ن.</span></h3>
