مەسرور بارزانی، سەرۆکێ حکومەتا هەرێما کوردستانێ ئهڤرۆ پێشوازی ل (نی ڕوو چی) کونسۆلێ گشتییێ چینێ ل هەرێما کوردستانێ كر كو ب ههلكهفتا دوماهیك هاتنا كارێ وى ل ههرێمێ سهرهدان كربوو.
سەرۆکێ حکومەتێ سوپاسی ل کونسۆلێ گشتییێ چینێ کر بۆ رۆلێ وى د گرنگیدانا پەیوەندییێن وهلاتێ وى دگهل هەرێما کوردستانێ ل دهمێ کارکرنێ و هیڤییا سەرکەفتنێ ژى بۆ خواست د کار و ئەرکێ بهێتدا.
کونسۆلێ گشتییێ چینێ پێزانینێن خۆ بۆ هاریكارى و ههماههنگییا باش یا حكومهتا ههرێما كوردستانێ دگهل كونسۆلخانا چینێ وهلاتییێن چینێ یێن ل ههرێمێ ئاكنجى دیاركر، ستایشا پێشكهفتنا ههرێما كوردستانێ كر و دیاركر؛ د سالێن دوماهیكێدا دكابینهیا نههێ نه بتنێ شیا قهیرانان ب سهركهفتى دهربازكهت، بهلكو چەندین پڕۆژەییێن گرنگ و ستراتیژى ل پێناڤ ب هێزکرنا ژێرخانا ئابووری ل هەرێما کوردستانێ ئەنجامداینە.
