د. مەحموود عوسمان: پێدڤی بوو لایەنێ سێیێ پشکدارییێ د رێكکەفتنا ھەولێر و بەغدا دا بکەت

ئاژانسا خانی ، تایبەت:

سیاسەتمەدارێ کورد د. مەحموود عوسمانى ئاشکرا کر، پێدڤی بوو لایەنێ سێیێ پشکدار بیت د رێکكەفتنا دناڤبەرا ھەرێم و بەغدا، چونكی حوکمەتێن بەرێ یێن عێراقێ پێگیری ب رێکكەفتنان نەکرییە.

د. مەحموود عوسمان، زێده‌تر بۆ ئاژانسا خانی دیارکر” زۆر جاران رێکكەفتن دناڤبەرا ھەرێم و بەغدا ھاتینە کرن و نەھاتینە بجهئینان، ھەتا نوکە چو گەرەنتی نینە بۆ بجهئینانا رێکكەفتنێن دگەل بەغدا، چونکی بۆ نموونە دبێژن لژنا بلندا مادێ ١٤٠ ھاتییە کارا کرن، بەلێ ل ھەمبەر دا تورکومانێن کەرکووکێ گەفێن بجهنه‌ئینانا مادێ ١٤٠ دکەن و دبێژن یێ مری، ھەموو حوکمەتێن عیراقێ دگوتن دێ دستووری بجهئینن و بەرۆڤاڕی دەرکەفت.

ناڤهاتی گۆت ژی” پێدڤییە دەمێ رێکكەفتن دھێتە کرن دگەل بەغدا بھێتە بەلاڤکرن ل سەر چ گەھشتینە رێکكەفتنێ، ب تایبەتی ئەگەر لایەنێ سێیێ ھەبیت دناڤا رێكکەفتنا دناڤبەرا ھەرێم و بەغدا یا گرنگە لایەنەکێ وەک نەتەوێن ئێکگرتی ێشکدارییێ بکەن، داكو هه‌ردولا پێگیرییێ ب رێكکەفتنێ بکەن و لایەنێ پێگیرییێ نەکەت بھێتە دیار کرن.