ئهڤڕۆ ئێكشهمبی 11/12/2022 ێ، مهسرور بارزانى، سەرۆكێ حكومەتا هەرێما كوردستانێ، پێشوازی ل جۆرجیۆس ئهلهمانۆس، بالیۆزێ نوو یێ یۆنانێ ل عێراقێ كر، د دیدارهكێ دا كو ستاڤرۆس کریمیس، کونسولێ گشتی یێ یۆنانێ ل هەرێما کوردستانێ ئامادە ببوو، سهرۆكێ حكومهتێ پیرۆزباهییا دەستبەکاربوونێ ل بالیۆزی کر و هیڤییا سەرکەفتنێ د ئەرکێ وی دا بۆ خواست ژ پێخهمهت بەرەف پێشبرنا پەیوەندی یێن هەرێما کوردستانێ و یۆنانێ.
بالیۆزێ یۆنانێ ئاماژە ب پەیوەندی یێن مێژوویی و دۆستانە یێن دناڤبهرا هەرێما کوردستانێ و یۆنانێ کرن و ئامادەییا هوهلاتێ خۆ بۆ پێشخستنا پەیوەندییان ل گەل هەرێما کوردستانێ د هەموو واراندا نیشان دا، ب تایبەتی د وارێن بازرگانی و چاندنێ و گەشتوگوزاری و خواندنێ دا.
