ئەڤرۆ چارشەمبی 14 ی كانوونا ئێكێ یا 2022 ێ، مەسرور بارزانی سەرۆکێ حکومەتا هەرێما کوردستانێ، پێشوازی ل ئەلینا رۆمەناوسکی باڵیۆزا ئەمریکا ل عێراقێ کر.
د کۆمبوونەكێ دا دانوستاندن دەربارەیی رهوشا گشتییا عێراقێ و پێشخستنا پەیوەندی یێن هەرێما کوردستانێ و ئەمریکا هاتنه کرن.
هەردو ئالی ههڤرابوون ل سەر گرنگییا چارەسەرکرنا كێشێن دناڤبهرا هەرێما کوردستانێ و حکومەتا فیدرالی، ب رهنگهكێ بنەڕەتی و ل سەر بنەمایێ دەستووری و رێککەفتنا لایەنان بۆ پێکئینانا حکومەتێ و کارناما وەزاری.
سەرۆکێ حکومەتێ گۆت: دانوستاندن دناڤبهرا حکومەتا ھەرێمێ و حکومەتا فیدرالی د بەردەوامن بۆ گەهشتن ب ڕێککەفتنا ھەمەلایەنی و دادپەروەرانە ل سەر ھەموو کێشێن ههلاویستی كو ماف و شایستێن دەستووری یێن ھەرێما کوردستانێ دابین بکهت و د بەرژەوەندییا ههموو وهلاتی یێن عێراقێدا بیت.
چاکسازی یێن وهزارەتا پێشمەرگەیی و بجهئینانا رێککەفتنا شنگالێ و زەمینە خۆشکرن بۆ ئاساییکرنا رهوشا وێ دهڤهرێ و ڤهگەریانا ئاواران بۆ جهێن وان، تەوەرهكێ دی یێ وێ کۆمبوونێ بوو.
