نێچیرڤان بارزانى، سهرۆكێ ههرێما كوردستانێ سپێدههییا ئهڤرۆ پێشوازى ل مارك برایسۆن ريچاردسۆن، بالیۆزێ بریتانیا ل عیراقێ و شاندێ دگهلدا كر.
نێچیرڤان بارزانى و بالیۆزێ بریتانیا، پێشڤهبرنا پهيوهندييێن بريتانيا دگهل عيراق و ههرێما كوردستانێ، دوماهیك پێشهاتێن سياسى، رهوشا دهڤهرێ ب گشتى گهنگهشهكرن.
ههروهسا دامهزراندنا حكومهتا نوى یا فيدرال، ئاریشه و تهحهدييێن بهردهم عیراق، پهيوهندييێن ههولێر ـ بهغدا و ئاریشهیێن دناڤبهرا واندا ، دوماهیك سهردانا نێچيرڤان بارزانى بۆ بهغدا، چارهسهركرنا ئاریشهیان دگهل بهرپرسان ل بهغدا و پهیوهندییێن عیراقێ دگهل وهلاتێن جیران و دهڤهرێ ئێك ژ تهوهرێن گۆتۆبێژێن وان بوون.
دیسان ههردوو ئالییان دووپات ل پێشكێشكارنا خزمهتگوزاريىێن باشتر ب وهلاتییێن عیراقێ و دابينكرنا دهرفهتا كارى و جێبهجێكرنا كارنامێ و ئهولهويهتێن كارێن حكومهتێ كر، ههروهسا رهوشا ناڤخۆ یا ههرێما كوردستانێ وئێكرێزى و ئێك ههلویستییا ههرێما كوردستانێ ب گرنگ و پێدڤى زانى ب تايبهت ئێك دهنگییا تيما ههرێما كوردستانێ ل بهغدا.
نێچيرڤان بارزانى دیاركر، ههرێما كوردستانێ پشتهڤانییا حكومهتا نوى یا عیراق و سهرۆكوهزیران دكهت و دهرفهتهك ههیه بۆ چارهسهركرنا ئاریشهییێن وهلاتى و ب پشتهڤانییا ئالییێن پشكدار یا حكومهتا فیدرال، ههروهسا هاریكارى و كارێ ههڤبهش دناڤبهرا ئالییێن سیاسییێن ههرێما كوردستانێ بۆ چارهسهركرنا ئاریشان دگهل بهغدا ب پێدڤى و گرنگ ل قهلهم دا.
Like this:
Like Loading...
