گوھۆرینێن پارتی ل پەرلەمانێ کوردستانێ ھاتنە راگرتن

ئاژانسا خانی ، تایبەت:

جێگر و دو پەرلەمانتارێن پارتی ل پەرلەمانێ کوردستانێ، دەست ژ کارکێشانا خوە پێشکێش کرییە و ژێدەرەکی ژ فڕاکسیۆنا پارتی ژی ئاشکرا کر، ئەو گوھۆرین ھاتینە راگرتن و ئێکەتیێ کۆمبوونێن پەرلەمانی راگرتینە.

ژێدەرەکی ژ فڕاکسیۆنا پارتی بۆ ئاژانسا خانی دیار کر” پشتی کۆنگرێ ١٤ ێ بڕیاربوو پارتی ھندەک گوھۆڕینان بکەت ژ وان ژی ھێمن ھەورامی جێگرێ سەرۆکێ پەرلەمانی و دو پەرلەمانتارێن پارتی دەست ژ کارکێشانا خوە پێشکێش کرییە و سێ پەرلەمانتارێن دی یێن پارتی دێ جھێ وان گرن، سەرۆکا پەرلەمانی یا بەرھەڤە بۆ ئەنجامدانا وان گۆھۆڕینان و ئێکەتیێ کۆمبوونێن پەرلەمانی راگرتینە.

ئەو ژی گۆت” بابەتێ گوھۆڕینێن پارتی ل حوکمەتێ و پەرلەمانی ھاتینە راگرتن ھەتا وی دەمێ ل گەل ئێکەتیێ دگەھنە رێککەفتنێ، دیسان ئەم چاڤەرێی کۆمبوونا پارتی و ئێکەتیێ دکەین بۆ ئەنجامدانا گوھۆڕینێن پارتی و ژ بلی سێ پەرلەمانتاران دێ وەزیرێ ئەوقاف و کارۆبارێن ئاینی ژی دەست بکار بیت.