بریارا جڤاتا نوونەرێن عیراقێ دەربارەی خەرجكرنا 400 ملیار دیناران بۆ هەرێما كوردستانێ ژلایێ هەژمارەكا پەرلەمانتارێن شیعە ڤە كارڤەدانێن مەزن ل دویڤ خوە ئینان.
هادی سەلامی، ئەندامێ لیژنا دەستپاكییێ ل پەرلەمانێ عیراقێ دوهی رۆژا چارشەمبی نڤیسارەكا فەرمی بۆ دەزگەهێ داواكارێ گشتی هنارتییە و تێدا سكالا ل سەر محەمەد شیاع سوودانی، سەرۆكوەزیرێن عیراقێ و ئەندامێن جڤاتا وەزیران تۆماركرییە دژی بریارا خەرجكرنا 400 ملیار دیناران بۆ هەرێما كوردستانێ.
ب بوچوونا هادی سەلامی كو خوە ب پەرلەمانتارێ سەربەخۆ ددەتە نیاسین، ئەو بریارە پێچەوانەی بریارا دادگەها بلند یا فیدرالی یا عیراقێ یە وهنارتنا وی پارەی ب ” هەدەردانا ئەنقەست یا دارایی یا گشتی یە “.
هەروەسا سعود سەعدون ساعدی، پەرلەمانتارێ فراكسیۆنا حقوق یا سەر ب كەتائیب حزبوللا ڤە نڤیسارەك ئاراستەی محەمەد شیاع سوودانی كرییە و تێدا پسیارا ئەگەرێ رازیبوونا جڤاتا وەزیران ل سەر هنارتنا 400 ملیارێن هەرێمێ كرییە.
