لیژنەیا دانپێدانانێ ل نەتەوێن ئێكگرتی بریاردا كۆرسییا نوینەرایەتییێ ل نەتەوێن ئێكگرتی ژ ئەڤغانستان، میانمار و لیبیا وەرگریت.
ئەو لیژنە كو ژ نەهـ ئەندامان پێكهاتییە بریاردایە بۆ سالا دووێ ل دویڤ ئێك كورسییا نوینەراتییێ ل ناڤ نەتەوێن ئێكگرتی نە دەنە بەرپرسێن ئەڤغانستان، لیبیا و میانمار ژبەركو هەتا نوكە دەستهەلاتا وان وەلاتان دانپێدانا نافخۆیی و ناڤدەولەتی نینە.
دهێتە زانین ل ئەڤغانستانێ دەستهەلات ژلایێ لڤینا تالیبان ڤە ل وەلاتی دهێتەكرن و ل سەر ئاستێ ناڤدەولەتی دانپێدان پێ نەهاتییەكرن. هەورەسا ل میانمار ژی ل هەیڤا شۆباتا سالا بووری كۆدەتایەكا سەربازی ب سەر حكومەتا وی وەلاتی دا هاتەكرن و دەستهەلاتدارێن نوكە دانپێدانا ناڤدەولەتی نینە. ل وەلاتێ لیبیا دوو حكومەت و دوو جڤاتێن سەربازی دەستهەلاتێ ل وەلاتی دكەن، ژبەر ڤێ یەكێ ژی كۆرسیێن وان ل نەتەوێن ئێكگرتی ژێ هاتنە وەرگرتن.
Like this:
Like Loading...
