ل سالا بهێت لێبۆرینا گشتی دێ ھێتە دەرکرن

ئاژانسا خانی ، تایبەت:

پەیڤدارێ وەزارەتا کاروبارێن کۆمەلایەتی ديار کر، جڤاته‌ك بۆ بەرھەڤکرنا پڕۆژە قانوونا لێبۆرینا گشتی ھاتییە پێکئینان و پشتی دبیتە قانوون و دھێتە پەسەند کرن لێبۆرینا گشتی دێ ھێتە دەرکرن.

ئاریان ئەحمەد، پەیڤدارێ وەزارەتا کارۆبارێن کۆمەلایەتی بۆ ئاژانسا خانی دیارکر” جڤاته‌ك بۆ بەرھەڤکرنا پڕۆژە قانوونا لێبۆرینا گشتی ھاتییە پێکئینان و لایەنێن پەیوەندیدار ئەندامن دناڤا وێ جڤاتێ دا بۆ دەرکرنا قانوونا لێبۆرینا گشتی و ژلایێ سەرۆکاتییا جڤاتا وەزیران ڤە سەرپەرشتی دھێتە کرن، پشتی بەرھەڤکرنێ دێ پڕۆژە ھێتە بلندکرن بۆ سەرۆکاتییا جڤاتا وەزیران و لدووڤدا بۆ پەرلەمانی.

ئاریان ئەحمەد گۆت ژی” بڕیارە بۆ سالا بهێت لدووڤ قانوونا دھێتە بەرھەڤکرن لێبۆرینا گشتی بھێتە دەرکرن بۆ زیندانیان، بەلێ ئه‌و لێبۆرینا گشتی‌ ھەموو کەسان ڤەناگریت، ب تنێ لدووڤ وان بڕگە و مادێن دناڤا قانوونێ دا دێ زیندانی مفاداربن ژ دەرکرنا لێبۆرینا گشتی.