نڤیسینگەها رۆژنامەڤانی یا سەرۆكوەزیرێن عیراقێ راگەهاند، محەمەد شیاع سوودانی، سەرۆكوەزیرێن وەلاتی و برێت مەكگۆرك، رێكخەرێ كۆچكا سپی بۆ كاروبارێن رۆژهەلاتا ناڤەراست و باكوورێ ئەفریقیا پەیوندییەكا تەلەفۆنی ئەنجامدا.
دیاركر ژی كر، د پەیوەندییێ دا مەكگۆرك ژبۆ دەستبكاربوونا وی وەك سەرۆكوەزیرێن عیراقێ پیرۆزباهی ل سوودانی كر و سۆزا بەردەوامبوونا پشتەڤانییێن ئەمریكا بۆ عیراقێ ب مەبەستا ” پاراستنا ئێمناهی و سەروەرییا عیراقێ و خواستا سەرۆك بایدنی بۆ بهێزكرنا پەیوەندییێن ستراتیژی یێن دوو قۆلی ” ب سوودانی دایە.
ژلایێ خوە ژی ڤە سەرۆك وەزیرێن عیراقێ ب مەكگۆركی راگەهاندییە، عیراق وەلاتەكێ سەروەر و ئێك پارچە یێ سەربەخۆیە و ژ كارێن پێشینە یێن حكومەتا وی درۆستكرنا هەماهەنگییا ئابووریە ل دەڤەرێ.
