عەرد بۆ 10 کارگەهێن پیشەسازی و دەڤەرا پیشەسازییا بەردەرەش هاتە تەرخانکرن

لژنا گەشەپێدانا پیشەسازی عەرد بۆ ١٠ کارگەهێن پیشەسازی و دەڤەرا پیشەسازییا بەردەرەش تەرخانکرن.

ئەڤرۆ دوشەمبی  ١٩ی کانوونا ئێکی ٢٠٢٢ێ ب سەرپەرشتیا “د.عەلی تەتەر” پارێزگارێ دهۆکێ، ب بەرهەڤبوونا لایەنێن پەیوەندیدار لژنا گەشەپێدان و پشتگریا پیشەسازی ل پارێزگەها دهۆکێ کۆمبوو، پشتی هەلسەنگاندن و دانوستاندن ل دۆر پرۆژێن کارگەهێن هاتینە تەرخانکرن عەرد بۆ ١٠ کارگەهێن پیشەسازی د بیاڤێن بەرهەمئینانا گێج و بویاغێ، مەلەڤانگەهێن فایبەر گلاس و کورسیک و سەیوانێن باغچا، چێکرنا پێدڤیێن ئاڤاهیێن حازر، درۆستکرنا دوشەک و بالیفک و چارچەڤا، کارگەها کلینیسێن هشک، بەرهەمئینانا کەرەستەیێن ئاڤاهیان، کارگەها ئیزوگام و فلینکوت و قێر ماستیک، کارگەها درینا جل و بەرگان، کارگەها بەرهەمئینانا فلینێ و دیکورێن خانیا و بوریێن پلاستیکی.

هەروەسا دکۆمبوونا لژنا گەشەپێدانێدا به‌حسێ دەڤەرا پیشەسازییا بەردەرەش هاتەکرن و عەردێ پێدڤی بۆ هاتە تەرخانکرن.